ⵓⵏⴰⴳⵔⴰⵡ ⵏ ⵍⴻⵎⵅⵣⴻⵏ ⵓⵔ ⴷ-ⵢⴻⵜⵜⴰⴼ ⴰⵔⴰ ⵓⴳⵓⵔ ⵉ ⵡⴰⴽⴽⴻⵏ ⴰⴷ ⵢⴻⵙⵙⴻⵎⵔⴻⵙ ⴰⵢⴻⵏ ⵢⴻⵜⵜⵡⴰⴳⵔⴻⵏ, ⴳⴰⵔ-ⴰⵙⴻⵏ ⵜⵉⴼⴻⵔⵔⴻⵣⵜ ⵏ ⵢⵉⵏⵉⴳⵉ ⴰⵔⵓⵙⵙⵍⵉⴼ ⴷ ⵓⵣⵣⴰⵏⵣ ⵏ ⵢⵉⴷⴰⵎⵎⴻⵏ ⵏ ⵢⵉⴼⵔⵉⵇⵉⵢⴻⵏ ⵏ ⵓⵏⵥⵓⵍ ⵏ ⵜⵏⴻⵣⵔⵓⴼⵜ, ⵉ ⵡⴰⴽⴽⴻⵏ ⴰⴷ ⵢⴰⴱⵜⴻⵣ ⵜⵓⵔⵓⴼⵜ ⴷ ⵓⵀⴻⴳⴳⵉ ⵏ ⵔⴱⵉⵃ ⵏ ⵜⵙⴻⵔⵜⵉⵜ ⴰⵔⵓⵙⵙⵍⵉⴼ ⴷ ⵓⵚⴻⵔⵔⴻⴼ ⵏ ⵢⴻⴷⵔⵉⵎⴻⵏ ⵙ ⵓⴱⵔⵉⴷ ⵏ "ⵜⵏⴻⵣⵣⵓⵢⵉⵏ ⵜⵉⵔⴽⴰⵙⵉⵏ" ⵏ ⴷⴷⴰⵡ ⵏ ⵜⵜⴰⴱⵍⴰ.
ⴰⵙⴻⵎⵔⴻⵙ ⵏ ⵜⴼⴻⵔⵔⴻⵣⵜ ⵏ ⵢⵉⵏⵉⴳⵉ ⴰⵔⵓⵙⵙⵍⵉⴼ ⵙⴻⴳ ⵜⴰⵎⴰ ⵏ ⵍⵎⴻⵔⵔⵓⴽ ⵢⴻⵔⵏⴰ ⴰⵟⴰⵙ ⴷⴻⴳ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ, ⵍⴰⴷⵖⴰ ⴰⴽⴽⴻⴷ ⵜⵎⴻⵔⵏⵉⵡⵜ ⵏ ⵡⵓⴳⵓⵔⴻⵏ ⵏ ⴷⴰⵅⴻⵍ ⴷ ⵓⵙⵓⵜⵓⵔ ⵏ ⵓⴼⴻⵔⵔⴰⵣ ⵏ ⵓⵙⵙⵜⵄⵎⴻⵔ ⵏ ⵓⵏⴻⵣⵔⵓⴼ ⵓⴼⴼⵉⵔ (ⵙⴰⵀⴰⵔⴰ ⵓⵛⵛⵉⴷⴻⵏⵜⴰⵍ), ⵉⵍⵎⴻⵏⴷ ⵏ ⵜⴰⵔⵔⴰⵢⵜ ⵜⴰⴳⵔⴰⵖⵍⴰⵏⵜ.
ⵍⴻⵎⵅⵣⴻⵏ ⵉⵅⴻⵍⵍⴻⵇ-ⴷ ⵡⵓⴳⵓⵔⴻⵏ ⵏ ⵓⴷⵉⴱⵍⵓⵎⴰ ⴷ ⵜⵉⵙⴻⵔⵜⵉⵢⵉⵏ ⵏ ⵜⵙⴻⴱⴷⵉⵡⵜ ⵉ ⵓⵔ ⵏⴻⵇⵇⵉⵏ ⴰⵔⴰ ⵖⴻⵔ ⵓⴼⵔⴰⴳ ⵏ ⵍⵯⴰⵔ, ⵢⴰⵍ ⵜⵉⴽⴽⴻⵍⵜ ⵉ ⴷ-ⵢⵓⴼⴰ ⵉⵎⴰⵏ-ⵉⵙ ⴷⴻⴳ ⵡⵓⴳⵓⵔ, ⵉ ⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵜⵜⴰⴼ ⵎⴳⴰⵍ ⵡⵉⴷ ⵓⵔ ⵏⴻⵇⵇⵉⵏ ⴰⵔⴰ ⵖⴻⵔ ⵜⵉⵙⴻⵔⵜⵉⵢⵉⵏ-ⵉⵙ ⵏ ⵓⴱⵜⴰⵣ ⵏ ⵢⴻⴷⵔⵉⵎⴻⵏ ⴷ ⵜⵎⵓⵖⵍⵉ ⵏ ⵡⴻⵙⵙⴻⵣⵔⴻⵄ ⴷ ⵓⵇⵀⴻⵔ. ⵍⵎⴻⵔⵔⵓⴽ ⵢⴻⵇⵇⴻⵏ ⵖⴻⵔ ⵜⴰⵔⵔⴰⵢⵜ ⵏ "ⵓⵙⵙⴻⵅⵚⴻⵔ ⵏ ⵓⴼⵔⴰⴳ ⵏ ⵜⵉⵍⵉⵙⴰ" ⵢⴰⵍ ⵜⵉⴽⴽⴻⵍⵜ ⵉ ⴷ-ⵢⴻⵍⵍⴰⵏ ⵡⵓⴳⵓⵔⴻⵏ ⵏ ⵓⴷⵉⴱⵍⵓⵎⴰ, ⵙ ⵓⵏⴰⴳⵉ ⵏ ⵜⴰⵔⵔⴰⵢⵉⵏ ⵏ ⵓⵇⵀⴻⵔ ⵎⴳⴰⵍ ⵉⵎⵉⵏⵉⴳⵢⴻⵏ ⵉⴼⵔⵉⵇⵉⵢⴻⵏ.
ⵍⵎⴻⵔⵔⵓⴽ ⵢⴻⵜⵜⵡⴰⵃⵙⴻⴱ ⴷ "ⴰⵎⴻⵣⵣⵡⴻⵔ ⵓⵔ ⵏⴻⵍⵍⵉ ⴷ ⴰⵎⵓⴼⴼⵉⵔ", ⵍⴰⴷⵖⴰ ⴷⴻⴳ ⵙⵒⴰⵏⵢⴰ, ⵉⵎⵉ ⵢⴻⵙⵙⴻⵎⵔⴻⵙ ⴰⵟⴰⵙ ⵏ ⵢⵉⵎⵉⵏⵉⴳⵢⴻⵏ, ⴳⴰⵔ-ⴰⵙⴻⵏ ⵢⵉⵍⵎⴻⵣⵢⴻⵏ ⵎⴻⵣⵣⵉⵢⴻⵏ, ⵉⵡⴰⴽⴽⴻⵏ ⴰⴷ ⵣⴻⴳⵔⴻⵏ ⵜⵉⵍⵉⵙⴰ ⵙ ⵍⵯⴻⵀⴷ. ⵜⵓⴷⴷⵙⵉⵡⵉⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏⵏⴰⵏⵜ-ⴷ ⴱⴻⵍⵍⵉ ⵜⵉⵙⴻⵔⵜⵉⵢⵉⵏ ⵏ ⵍⴻⵎⵅⵣⴻⵏ ⴱⵏⴰⵏⵜ ⵖⴻⴼ ⵓⴱⴻⴷⴷⴻⵍ ⵏ ⵜⵎⴰⴼⴽⵉⵢⵉⵏ ⵏ ⵓⵎⴷⴰⵏ ⴷ ⵜⴼⴻⵔⵔⴻⵣⵜ ⵏ ⵓⴹⴻⵇⵇⴻⵔ (ⵒⵔⴻⵙⵙⵉⵓⵏ), ⴰⵢⴰⴳⵉ ⵉⵙⴱⴻⴳⴳⴻⵏ-ⴷ ⵓⵏⴰⴳⵔⴰⵡ ⵉ ⴷ-ⵢⴻⵜⵜⵡⴰⵍⵉⵏ ⴰⵎⴷⴰⵏ ⴷ ⴰⵍⵍⴰⵍ ⴽⴰⵏ ⵉ ⵓⵀⴻⴳⴳⵉ ⵏ ⵔⴱⵉⵃ-ⵉⵙ, ⵓⵍⴰ ⵎⴰ ⵙ ⵓⵣⵣⴰⵏⵣ ⵏ ⵍⵃⴻⵔⵎⴰ ⵏ ⵓⵎⴷⴰⵏ ⴷ ⵓⴹⵎⴰⵏ ⵏ ⵜⵎⴻⵏⵏⴰ ⴽⴰⵎⴻⵍ.
ⴰⵙⴷⴰⵡⵉⵜ ⴰⵎⴻⵔⵔⵓⴽⵉ, ⵎⴰⵙⵙ ⵎⵓⵀⴰⵎⴻⴷ ⵛⵀⴻⵔⴽⴰⵓⵓⵉ, ⵢⴻⵏⵏⴰ-ⴷ ⴱⴻⵍⵍⵉ ⵍⴻⵎⵅⵣⴻⵏ ⵉⵅⴻⵍⵍⴻⵇ-ⴷ ⵡⵓⴳⵓⵔⴻⵏ ⵏ ⴱⴻⵔⵔⴰ ⵉⵡⴰⴽⴽⴻⵏ ⴰⴷ ⵉⵖⵓⵎ ⵡⵓⴳⵓⵔⴻⵏ-ⵉⵙ ⵏ ⴷⴰⵅⴻⵍ ⴷ ⵓⵅⴻⵚⵚⴻⵔ ⵏ ⵜⵏⴻⴼⵍⵉ ⵏ ⵜⵎⵓⵔⵜ-ⵉⵙ.
=ⵜⴰⵙⴻⵔⵜⵉⵜ ⵏ ⵓⴱⵜⴰⵣ ⵙ ⵓⵙⴰⴽⵔⴰ, ⵉⵏⵉⴳ ⵓⴼⴼⵉⵔ ⴷ ⵔⵔⵀⴰⴱ=
ⵓⵏⴰⴳⵔⴰⵡ-ⴰⴳⵉ ⵓⵔ ⴷ-ⵢⴻⵜⵜⴰⴼ ⴰⵔⴰ ⵓⴳⵓⵔ ⵉ ⵓⵣⵣⴰⵏⵣ ⵏ ⵢⵉⴷⴰⵎⵎⴻⵏ ⵏ ⵢⵉⴼⵔⵉⵇⵉⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴰⵡⵉ ⵢⴻⴷⵔⵉⵎⴻⵏ ⵏ ⵜⵓⵔⵓⴼⵜ, ⵢⴻⵔⵏⴰ ⵓⵔ ⵢⴻⴱⵖⵉ ⴰⵔⴰ ⴰⴷ ⵢⴻⴱⴹⵓ ⵢⴻⴷⵔⵉⵎⴻⵏ-ⵏⵏⵉ ⴰⴽⴽⴻⴷ ⵜⵎⵓⵔⴰ ⵏⵏⵉⴹⴻⵏ ⵏ ⵜⴻⴼⵔⵉⵇⵜ. ⴷⴻⴳ ⵡⴰⵏⵏⴰⵔ-ⴰⴳⵉ, ⵓⵔ ⵏⴻⵣⵎⵉⵔ ⴰⵔⴰ ⴰⴷ ⴷ-ⵏⴻⵎⵎⴻⵙⵍⴰⵢ ⵖⴻⴼ ⵜⵓⵛⵟⵉⵡⵉⵏ ⵏ ⵍⵎⴻⵔⵔⵓⴽ ⵎⴳⴰⵍ ⵉⴼⵔⵉⵇⵉⵢⴻⵏ ⵎⴱⵍⴰ ⵎⴰ ⵏⴻⴱⴷⴻⵔ-ⴷ "ⵜⴰⵎⴻⵏⵖⵉⵡⵜ ⵏ ⵍⵊⴻⵎⵄⴰ ⵜⴰⴱⴻⵔⴽⴰⵏⵜ" ⵏ ⵡⴰⵙⵙ ⵏ 24 ⵢⵓⵏⵢⵓ 2022 ⴷⴻⴳ ⵜⵉⵍⵉⵙⴰ ⵏ ⵍⵎⴻⵔⵔⵓⴽ ⴷ ⵙⵒⴰⵏⵢⴰ, ⵉ ⴷⴻⴳ ⵎⵎⵓⵜⴻⵏ ⴰⵟⴰⵙ ⵏ ⵢⵉⴼ ⵇⵉⵢⴻⵏ ⵙ ⵓⴼⵓⵙ ⵏ ⵢⵉⵎⴻⵥⵍⴰ ⵏ ⵍⴻⵎⵅⵣⴻⵏ.
ⴰⵔ ⵡⴰⵙⵙ-ⴰ, ⴷⴷⵓⵏⵉⵜ ⵜⵎⴻⴽⵜⵉ-ⴷ ⵜⵓⴳⵏⵉⵡⵉⵏ ⵏ ⵍⵎⵓⵟ ⵉ ⴷ-ⵉⵙⴱⴻⴳⴳⵏⴻⵏ ⴰⵎⴻⴽ ⵍⴻⵎⵅⵣⴻⵏ ⵢⴻⵜⵜⵡⴰⵍⵉ ⵉⵎⵉⵏⵉⴳ ⵉⴼⵔⵉⵇⵉ ⴷ ⵍⵙⴻⵍⵄⴰ ⴽⴰⵏ ⵏ ⵜⵙⴻⵔⵜⵉⵜ, ⵎⴰⵛⵛⵉ ⴷ ⴰⵎⴷⴰⵏ ⵉ ⵢⴻⴱⵖⴰⵏ ⵓⵃⵔⴰⵣ. ⵉⵎⵉⵏⵉⴳⵢⴻⵏ ⴷ ⵜⵓⴷⴷⵙⵉⵡⵉⵏ ⵏⵏⴰⵏⵜ-ⴷ ⴱⴻⵍⵍⵉ ⵜⴰⵎⴻⵏⵖⵉⵡⵜ-ⵏⵏⵉ ⵜⴻⵍⵍⴰ ⴷ ⵜⵉⵏ ⵢⴻⵜⵜⵡⴰⵀⴻⴳⴳⴰⵏ ⵉⵡⴰⴽⴽⴻⵏ ⵍⵎⴻⵔⵔⵓⴽ ⴰⴷ ⴷ-ⵉⵙⴱⴻⴳⴳⴻⵏ ⵉ ⵙⵒⴰⵏⵢⴰ ⴱⴻⵍⵍⵉ ⵢⴻⵣⵎⴻⵔ ⴰⴷ ⵢⴰⵃⵔⴻⵣ ⵜⵉⵍⵉⵙⴰ ⵙ ⵓⵇⵀⴻⵔ, ⵉ ⵡⴰⴽⴽⴻⵏ ⴰⴷ ⵢⴰⴱⵜⴻⵣ ⵜⵓⵔⵓⴼⵜ.
ⵍⵎⴻⵔⵔⵓⴽ ⵢⵓⵖⴰⵍ ⴷ ⴰⵎⵓⴼⴼⵉⵔ ⴷⴻⴳ ⵜⴰⵙⴻⵔⵜⵉⵜ ⵏ ⵓⴱⵜⴰⵣ ⵙ "ⵓⵙⴰⴽⵔⴰ, ⵉⵏⵉⴳ ⵓⴼⴼⵉⵔ ⴷ ⵔⵔⵀⴰⴱ", ⵉ ⵡⴰⴽⴽⴻⵏ ⴰⴷ ⴷ-ⵉⵙⴱⴻⴳⴳⴻⵏ ⵉⵎⴰⵏ-ⵉⵙ ⴷ "ⴰⴷⴻⵔⴽⵉ ⴰⵇⴻⴷⴷⴰⵛ" ⵏ ⵜⵓⵔⵓⴼⵜ ⵎⴳⴰⵍ ⵜⵓⵛⵟⵉⵡⵉⵏ-ⴰⴳⵉ ⵉ ⴷ-ⵢⴻⴼⵔⵓⵔⵉⵏ ⵙⴻⴳ ⵜⵎⵓⵔⵜ-ⵉⵙ ⵙ ⵢⵉⵎⴰⵏ-ⵉⵙ. ⴰⵙⴻⵎⵔⴻⵙ ⵏ ⵓⵎⴷⴰⵏ ⴷ ⵍⵙⴻⵍⵄⴰ ⴷⴻⴳ ⵜⵙⴻⵔⵜⵉⵜ ⴷ ⵓⵅⴻⵚⵚⴻر ⵏ ⵍⵎⴻⵔⵡⴰ ⵉ ⴷ-ⵢⴻⵙⵙⴰⵔⵔⴰⵢⴻⵏ ⵜⴰⵍⵍⵉⵜ ⵏ ⵓⵙⵙⵜⵄⵎⴻⵔ ⵏ ⵢⵉⵣⵔⵉ.
ⴰⵔⵏⵓ ⵖⴻⵔ
