ⵢⴱⴷⴰ ⵢⵉⴹ ⵏ ⵙⵙⴱⵜ ⴷⴳ ⵓⵙⴰⵍⴰⵢ ⵏ ⴱⴰⵔⴷⵓ, ⴷⴳ ⵍⴷⵣⴰⵢⵔ ⵜⴰⵎⴰⵏⴰⵖⵜ, ⵍⵇⴷⵉⵛ ⵏ ⵍⴼⵙⵜⵉⴼⴰⵍ ⴰⴳⵔⴰⵖⵍⴰⵏ ⵏ ⵓⵙⴼⴰⵢⵏ ⵏ ⵜⴰⴼⴰⵜ (Mapping), ⴰⵏⴷⴰ ⵉ ⴷ-ⵙⵏⴽⴷⵏ ⵢⵉⵡⵜ ⵏ ⵜⵉⵔⵎⵉⵜⵜ ⵏ ⵜⵥⵓⵔⵉ ⵜⴰⵎⴰⵢⵏⵓⵜ ⴷⴳ ⵓⵃⵔⵉⵛ ⵏ ⵜⵥⵓⵔⵉⵡⵉⵏ ⵜⵉⵎⵉⴹⴰⵏⵉⵏ ⵉ ⴷ-ⵉⵙⴱⴳⴳⵏⵏ ⵛⵛⴱⴰⵃⴰ ⵏ ⵍⴱⵏⵉ ⴰⵇⴷⵉⵎ ⵏ ⵍⴷⵣⴰⵢⵔ.
ⴷⴳ ⵓⵙⴰⵍⴰⵢ ⴰⵖⵍⵏⴰⵡ ⵏ ⴱⴰⵔⴷⵓ, ⴼⴽⴰⵏ ⵔⵔⵛⵎ ⵏ ⵓⵏⴰⴷⵉ ⵏ ⵜⵉⴽⴽⵍⵜ ⵜⴰⵎⵏⵣⵓ ⵏ ⵍⴼⵙⵜⵉⴼⴰⵍ-ⴰⴳⵉ ⴰⴷ ⵜⴷⵓⵎ ⵙⴳ 21 ⴰⵍⴰⵎⵎⴰ ⴷ 28 ⴷⴳ ⴼⵓⵔⴰⵔ, ⵙ ⵜⵃⴰⴷⵔⵉⵜ ⵏ ⵓⵏⵎⴰⵔⵓ ⴰⵎⴰⵜⵓ ⵏ ⵜⵎⴰⵡⴰⵙⵜ ⵏ ⵢⵉⴷⵍⵙ ⴷ ⵜⵥⵓⵔⵉⵡⵉⵏ, ⴰⴽⴽⴷ ⵓⵎⴰⵙⵍⴰⴷ ⵏ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⵏ ⵜⵎⵓⵙⵏⵉ ⴷ ⵜⵓⴷⴷⵙⵉⵡⵉⵏ ⵜⵉⵎⴰⵣⵉⵡⵉⵜⵉⵏ, ⵉ ⵉⵔⴼⴼⴷⵏ ⵜⴰⵎⵙⵉⵔⵜ-ⴰⴳⵉ ⵜⴰⵎⵉⴹⴰⵏⵜ, ⵍⵡⴰⵃⵉⴷ ⴷ ⵜⵎⵙⵉⵙⵔⵖⵜ ⵏ ⴽⴰⵏⴰⴷⴰ ⴷⴳ ⵍⴷⵣⴰⵢⵔ, ⵔⵓⴱⵉⵏ ⵍⵉⵏ ⵡⵀⵉⵜⵍⴰⵓⴼⵔ, ⵉⵎⵉ ⵜⴰⵎⵓⵔⵜ-ⵉⵙ ⵉ ⴷ ⵉⵏⴱⴳⵉ ⵏ ⵍⵇⴷⵔ ⵏ ⵜⵣⵔⵉⴳⵜ-ⴰⴳⵉ.
ⵢⵏⵏⴰ-ⴷ ⵓⵏⵎⵀⴰⵍ ⵏ ⵓⵙⴰⵍⴰⵢ ⵏ ⴱⴰⵔⴷⵓ, ⵣⵓⵀⵉⵔ ⵀⴰⵔⵙⵀⴰⵏ, ⴱⵍⵍⵉ ⵍⴼⵙⵜⵉⴼⴰⵍ-ⴰⴳⵉ ⴷ "ⴰⴱⵔⵉⴷ ⴰⵎⴰⵢⵏⵓ" ⵉ ⴷ-ⵢⴽⴽⴰⵏ ⵙⴳ ⵜⴰⵎⵓⵖⵍⵉ ⵏ ⵜⵎⴰⵡⴰⵙⵜ ⵏ ⵢⵉⴷⵍⵙ ⵉⵡⴰⴽⴽⵏ ⴰⴷ ⵙⵏⵔⵏⵉⵏ ⴰⵙⴰⵍⴰⵢ ⴷⴳ ⵍⴷⵣⴰⵢⵔ ⵙ ⵓⵙⵇⴷⵛ ⵏ ⵡⴰⵍⵍⴰⵍⵏ ⵏ ⵓⵟⵉⵍⵉ (ⵏⵓⵎéⵔⵉⵇⵓⴻ) ⵉⵡⴰⴽⴽⵏ ⴰⴷ ⴷ-ⵙⴱⴳⴳⵏⵏ ⴰⴳⵔⵔⵓⵊ ⵏ ⵢⵉⴷⵍⵙ. ⵉⵙⵎⴽⵜⵉ-ⴷ ⴷⴰⵖⵏ ⵜⵉⵎⵉⵔⵎⵉⵜⵉⵏ ⵏ ⵢⵉⵙⵓⵍⴰⵢ ⵉ ⴷ-ⵢⴹⵔⴰⵏ ⴷⴳ ⵉⵙⴳⴳⴰⵙⵏ-ⴰⴳⵉ ⵉⵏⴳⴳⵓⵔⴰ.
ⵉⴱⴳⴳⵏ-ⴷ ⵓⵎⵙⵍⴰⵢ-ⴰⴳⵉ ⴱⵍⵍⵉ ⴰⵙⴰⵍⴰⵢ ⵏ ⴱⴰⵔⴷⵓ ⵎⴰⵛⵛⵉ ⴷ ⵍⴼⴰⵔⵃ ⵏ ⵜⵥⵓⵔⵉ ⵜⴰⵎⵉⵔⴰⵏⵜ, ⵎⵄⵏⴰ ⴷ ⵜⴰⵎⵓⵖⵍⵉ ⵏ ⵢⵉⴷⵍⵙ ⴰⵎⴰⵢⵏⵓ ⵉ ⵢⵜⵜⵡⴰⵍⵉⵏ ⴰⴳⵔⵔⵓⵊ ⵏ ⵣⵉⴽ ⵎⴰⵛⵛⵉ ⴷ ⴰⵢⵏ ⵢⴽⴽⴰⵡⵏ ⴽⴰⵏ, ⵎⵄⵏⴰ ⴷ ⵜⴰⵎⴽⵜⵉⵜ ⵢⴷⴷⵔⵏ ⵉ ⵢⵣⵎⵔⵏ ⴰⴷ ⴷ-ⵜⵎⵎⵙⵍⴰⵢ ⴷ ⵜⴰⵍⵍⵉⵜ-ⴰⴳⵉ ⵏ ⵜⵓⵔⴰ ⵙ ⵡⴰⵍⵍⴰⵍⵏ ⵏ ⵜⵏⴳⵎⵉ.
ⵙⴳ ⵜⴰⵎⴰ-ⵙ, ⵜⴰⵎⵙⵉⵙⵔⵖⵜ ⵏ ⴽⴰⵏⴰⴷⴰ ⵜⴼⵔⴰⵃ ⵙ ⵜⵎⴰⵛⴰⵀⵓⵜ-ⴰⴳⵉ "ⵜⴰⵎⵇⵔⴰⵏⵜ" ⵉ ⴷⴳ ⵢⴷⴷⵓⴽⴽⵓⵍ ⵓⵅⵍⵉⴷ ⴷ ⵍⴱⵏⵉ ⴰⵇⴷⵉⵎ ⴷ ⵜⵜⵉⴽⵏⵓⵍⵓⵊⵉⵜ. ⵙⴰⵎⵉ ⵍⴰⵎⵓⵓⵜⵉ, ⴰⵏⵎⵀⴰⵍ ⵏ ⵍⴼⵙⵜⵉⴼⴰⵍ, ⵢⵏⵏⴰ-ⴷ ⴱⵍⵍⵉ ⵜⴰⴷⴷⴰⵔⵜ ⵏ ⵜⵎⵔⵏⵉⵡⵜ "ⵉⴼⵢ" ⵉ ⴷ-ⵉⵙⵓⴷⴷⵙⵏ ⴰⵢⴰ. ⵢⵏⵏⴰ-ⴷ ⴷⴰⵖⵏ ⴱⵍⵍⵉ ⵍⴼⵙⵜⵉⴼⴰⵍ-ⴰⴳⵉ ⴰⴷ ⴷ-ⵢⵔⵔ ⴷⴰⵖⵏ ⵜⵉⵎⵙⵉⵔⵉⵏ ⵏ ⵜⵎⵓⵙⵏⵉ (ⵎⴰⵙⵜⵔⵛⵍⴰⵙⵙ) ⵉ ⵏⵏⵉⴳ ⵏ 100 ⵏ ⵢⵉⵏⵍⵎⴰⴷⵏ.
ⴰⵔⵏⵓ ⵖⴻⵔ
