ⵙⴰⵄⵢⵓⴷ ⵉⵙⵙⴻⴽⵏⴻⴷ ⴱⴻⵍⵍⵉ ⵓⵡⴰⵏⴰⴽ ⴰⴷ ⵉⴽⴻⵎⵎⴻⵍ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵜⴷⴻⵎⵓⴽⵔⴰⵜⵉⵜ ⵏ ⵜⴷⵓⴽⵍⵉ

ⴰⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉⵄⴰⵡⴻⴷ ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴰⵙⵙⴻⴽⵏⴻⴷ ⵏ ⵓⴱⵔⵉⴷ ⵏ ⵓⵡⴰⵏⴰⴽ ⵉⵡⴰⴽⴽⴻⵏ ⴰⴷ ⴷ-ⵜⴻⵕⵚⵓ "ⵜⵉⴷⴻⵜ ⵏ ⵓⵙⴱⴻⴷⴷⵉ" ⵏ ⵜⴷⴻⵎⵓⴽⵔⴰⵜⵉⵜ ⵏ ⵜⴷⵓⴽⵍⵉ (ⴷéⵎⵓⵛⵔⴰⵜⵉⴻ ⵒⴰⵔⵜⵉⵛⵉⵒⴰⵜⵉⵠⴻ) ⴷ ⵓⵣⴻⴶⴶⴻⴷ ⵏ ⵍⵍⵙⴰⵙ ⵏ ⵜⵜⴰⴳⴷⴰ (éⴳⴰⵍⵉⵜé) ⴳⴰⵔ ⵢⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷⴻⴳ ⵢⵉⵏⵏⴰⵔⴻⵏ ⵎⴻⵕⵕⴰ.
ⵉⵙⵙⴻⴼⵀⴻⵎ-ⴷ ⵓⵏⴻⵖⵍⴰⴼ, ⴷⴻⴳ ⵜⵔⵉⵔ-ⵉⵙ ⵖⴻⴼ ⵢⵉⵙⵜⴻⵇⵙⵉⵢⴻⵏ ⵏ ⵢⵉⵇⴻⵔⵔⴰⵢ ⵏ ⵜⴻⴳⵔⵓⵎⵎⴰⵡⵉⵏ ⵜⴰⴱⴰⵔⵍⴰⵎⴰⵏⵉⵜ ⴷⴻⴳ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (AⵒN) ⵖⴻⴼ ⵓⵙⴻⵏⴼⴰⵔ ⵏ ⵓⵙⴰⴷⵓⴼ ⵉ ⴷ-ⵢⴻⵙⵙⴻⵔⵙⵉⵢⴻⵏ ⵜⵉⵎⵏⴰⴹⵉⵏ ⵏ ⵜⴻⴼⵔⴰⵏⵉⵏ ⴷ ⵓⵎⴹⴰⵏ ⵏ ⵢⵉⵇⵡⵉⵔⴻⵏ (ⵙⵉèⴳⴻⵙ) ⴷⴻⴳ ⵓⴱⴻⵔⵍⴰⵎⴰⵏ, ⴱⴻⵍⵍⵉ ⵢⴻⵍⵍⴰ "ⵍⴻⴱⵖⵉ ⴰⵙⴻⵔⵜⵉ", ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉⵡⴰⴽⴽⴻⵏ ⴰⴷ ⵜⴻⵜⵜⵡⴰⴱⵏⵓ ⵍⴻⵣⵣⴰⵢⴻⵔ ⵉ ⵢⴻⵙⴷⵓⴽⴽⵓⵍⴻⵏ ⵎⴻⴷⴷⴻⵏ ⵎⴻⵕⵕⴰ ⵓ ⴰⴷ ⴷ-ⵜⴻⵙⵙⴻⵍⴽⴻⵎ ⵜⵉⴷⴻⵜ ⵏ ⵜⴷⴻⵎⵓⴽⵔⴰⵜⵉⵜ ⵏ ⵜⴷⵓⴽⵍⵉ.
ⵉⵡⴰⵍⴰ ⴱⴻⵍⵍⵉ ⵍⴻⵣⵣⴰⵢⴻⵔ "ⵜⴻⵅⴷⴻⵎ ⵉⵙⵓⵔⵉⴼⴻⵏ ⵉⵎⴻⵇⵇⵔⴰⵏⴻⵏ" ⴷⴻⴳ ⵓⵏⵏⴰⵔ-ⴰⴳⵉ, ⵉⵙⵎⴻⴽⵜⵉ-ⴷ ⴰⵟⴰⵙ ⵏ ⵢⵉⵙⴰⴷⵓⴼⴻⵏ ⵉ ⵢⴻⵙⵙⴻⴶⵀⴷⴻⵏ ⴰⴱⵔⵉⴷ-ⴰⴳⵉ ⴰⵎ ⵓⴱⴻⴷⴷⴻⵍ ⴰⵜⵉⴽⵏⵉⴽ ⵏ ⵜⵎⴻⵏⴹⴰⵡⵜ ⴷ ⵓⵙⴰⴷⵓⴼ ⵏ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵙⴻⵏⴼⴰⵔ ⵏ ⵓⵙⴰⴷⵓⴼ-ⴰⴳⵉ ⵢⴻⵍⵍⴰⵏ ⴷⴻⴳ ⵓⵇⴻⵔⴷⴻⵛ, ⴰⵏⴻⵖⵍⴰⴼ ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵔⵔⴰⵢⵉⵏ ⵉ ⴷ-ⵢⴻⵡⵡⵉ ⴱⵖⴰⵏⵜ ⴰⴷ ⵙⴰⵎⵙⵉⵏⵜ (ⵀⴰⵔⵎⵓⵏⵉⵙⴻⵔ) ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⴷ ⵓⴱⴻⵟⵟⵓ ⵏ ⵜⵔⴰⴽⴰⵍⵜ ⴰⵎⴰⵢⵏⵓⵜ ⵉⵡⴰⴽⴽⴻⵏ "ⴰⴷ ⴷ-ⵜⴻⵕⵚⵓ ⵜⵜⴰⴳⴷⴰ ⴳⴰⵔ ⵢⴰⴽⴽ ⵜⵉⵡⵉⵍⴰⵢⵉⵏ".
ⴷⴻⴳ ⵜⴰⵍⵍⵉⵜ-ⴰⴳⵉ, ⵙⴰⵄⵢⵓⴷ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ "ⵙⴻⵏⵏⴻⴷⴻⵏ ⴷⴻⴳ ⵓⵙⴰⵍⵉ ⵏ ⵓⴹⵔⵉⵙ-ⴰⴳⵉ ⵖⴻⴼ ⵢⵉⵙⴰⵍⴰⵏ ⵏ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵓⵙⵉⴹⴻⵏ (ONS) ⵉ ⴼⴻⵍⵍ-ⴰⵙⴻⵏⵜ ⵉ ⵢⴻⵜⵜⵓⵙⴻⵎⵔⴰ ⵓⵎⴹⴰⵏ ⵏ ⵢⵉⵇⵡⵉⵔⴻⵏ ⴰⵔⴰ ⵢⴻⵜⵜⵡⴰⵟⵟⴼⴻⵏ". ⵢⴻⵔⵏⴰ-ⴷ ⵓⵏⴻⵖⵍⴰⴼ — ⴱⴻⵍⵍⵉ ⵙⴻⵏⵏⴻⴷⴻⵏ ⴷⴰⵖⴻⵏ ⵖⴻⴼ ⵢⵉⴱⴻⴷⴷⵉⵍⴻⵏ ⵉⵕⴻⵙⵙⴰⵏⴻⵏ ⵏ ⵢⵉⵎⴻⵣⴷⴰⵖ (ⴷéⵎⵓⴳⵔⴰⵒⵀⵉⴻ) ⴷ ⵓⵙⴱⴻⴷⴷⵉ ⵏ ⵜⵡⵉⵍⴰⵢⵉⵏ ⵜⵉⵎⴰⵢⵏⵓⵜⴻⵏ.
ⵉⵙⵎⴻⴽⵜⵉ-ⴷ ⴱⴻⵍⵍⵉ ⵉⵙⴻⵏⴼⴰⵔⴻⵏ ⵏ ⵓⵙⴰⴷⵓⴼ ⵏ ⵜⵖⵉⵡⴰⵏⵜ ⴷ ⵜⵡⵉⵍⴰⵢⵜ ⵎⴰⵣⴰⵍ-ⵉⵜⴻⵏ ⴷⴻⴳ ⵓⵇⴻⵔⴷⴻⵛ, ⵉⵙⵏⴻⴽⵏⴰⴷ-ⴷ ⴱⴻⵍⵍⵉ "ⵜⴻⵜⵜⵡⴰⵙⴱⴻⴷⴷ ⵢⵉⵡⴻⵜ ⵏ ⵜⴻⵙⵇⴰⵎⵓⵜ ⵏ ⵢⵉⴽⵓⴱⴰⵔ (ⴻⵅⵒⴻⵔⵜⵙ) ⴷⴻⴳ ⵓⴱⵉⵕⵓ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ ⵉⵡⴰⴽⴽⴻⵏ ⴰⴷ ⴷ-ⴼⴼⵖⴻⵏ ⵢⵉⴹⵔⵉⵙⴻⵏ ⵏ ⵜⴰⴳⴳⴰⵔⴰ ⴰⵔⴰ ⴷ-ⵢⴻⵜⵜⵡⴰⵙⴻⵏⴽⴷⴻⵏ ⵣⴷⴰⵜ ⵏ ⵓⴱⴻⵔⵍⴰⵎⴰⵏ".
ⵖⴻⴼ ⵓⴼⵔⴰⵇ ⵏ ⵢⵉⵇⵡⵉⵔⴻⵏ ⴷⴻⴳ ⵢⵉⵙⵇⴰⵎⵓⵡⵉⵏ ⵏ ⵜⵖⵉⵡⴰⵏⵜ ⴷ ⵜⵡⵉⵍⴰⵢⵜ ⴷⴻⴳ ⵢⵉⵎⴰⵍ, ⵙⴰⵄⵢⵓⴷ ⵢⴻⵏⵏⴰ-ⴷ ⴱⴻⵍⵍⵉ ⵓⵏⵏⴰⵔ-ⵉⵙ "ⵉⵜⴻⴷⴷⵓ ⴰⴷ ⴷ-ⵉⵀⴻⴳⴳⵉ ⴰⵙⴻⵏⴼⴰⵔ ⵏ ⵜⵙⵓⴷⴷⴻⵙⵜ ⵏ ⵓⵙⴻⵍⴽⴻⵎ ⵉ ⵓⵄⴰⵡⴻⴷ ⵏ ⵓⵊⴻⵔⵔⴻⴷ ⵏ ⵢⵉⵇⵡⵉⵔⴻⵏ ⵉ ⵢⴰⴽⴽ ⵜⵉⵡⵉⵍⴰⵢⵉⵏ, ⵓ ⴰⴷ ⴷ-ⵢⴻⴼⴼⴻⵖ ⴷⴻⴳ ⵡⵓⵙⵙⴰⵏ ⵉ ⴷ-ⵉⵜⵜⴻⴷⴷⵓⵏ".
ⵙⴻⴳ ⵜⴰⵎⴰ-ⵏⵙⴻⵏ, ⵉⵇⴻⵔⵔⴰⵢ ⵏ ⵜⴻⴳⵔⵓⵎⵎⴰⵡⵉⵏ ⵜⴰⴱⴰⵔⵍⴰⵎⴰⵏⵉⵜ ⵙⵏⴻⴽⴷⴻⵏ "ⴰⵙⴷⴻⴳⴳⴻⵔ-ⵏⵙⴻⵏ ⵉ ⵢⴰⵍ ⵜⴰⵎⵓⵖⵍⵉ ⵉ ⵢⴻⵙⵙⴻⴶⵀⴷⴻⵏ ⵜⵜⴰⴳⴷⴰ ⴷ ⵓⵎⵎⵉⵣⵉ ⵏ ⵓⵖⵔⴻⴼ ⴳⴰⵔ ⵢⴰⴽⴽ ⵜⵉⵡⵉⵍⴰⵢⵉⵏ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ", ⴰⵎ ⴰⴽⴽⴻⵏ ⵉ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵢⵉⵍⵓⴳⴰⵏ ⵉⵕⴻⵙⵙⴰⵏⴻⵏ ⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵎⴹⴰⵏ ⵏ ⵢⵉⵇⵡⵉⵔⴻⵏ.