ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵛⵛⴻⵢⵢⴻⵄ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵢⵉⵡⴻⵜ ⵏ ⵜⴰⴱⵔⴰⵜ ⵉ ⵓⴳⴷⵓⴷ ⴰⵣⵣⴰⵢⵔⵉ ⵖⴻⴼ ⵡⴰⵣⴰⵍ ⵏ ⵓⵙⵎⴻⴽⵜⵉ ⵡⵉⵙ 70 ⵏ ⵓⵙⴱⴻⴷⴷ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ (1956) ⴷ ⵓⵙⵎⴻⴽⵜⵉ ⵡⵉⵙ 55 ⵏ ⵓⵙⵓⵖⴰⵍ ⵏ ⵓⵥⴰⵔⵓ ⵖⴻⵔ ⵓⵡⴰⵏⴰⴽ (1971). ⵡⴰⴳⵉ ⴷ ⴰⴹⵔⵉⵙ-ⵉⵙ ⴰⵎⴰⵜⵓ:
"ⵙ ⵢⵉⵙⴻⵎ ⵏ ⵔⵔⴻⴱⴱⵉ ⴰⵎⴻⵍⵍⴰⵢ ⴰⵃⴻⵏⵏⴰⵏ, ⴰⵢ ⵜⵉⵍⴰⵡⵉⵏ, ⴰⵢ ⵢⵉⵔⴳⴰⵣⴻⵏ, ⵜⴰⵍⵡⵉⵜ ⵏ ⵔⵔⴻⴱⴱⵉ ⴰⴷ ⵜⴻⵍⵍⵉ ⵖⴻⴼ-ⵡⴻⵏ. ⴷⴻⴳ ⵡⴰⵙⵙ ⵏ 24 ⴼⵓⵔⴰⵔ, ⵏⴻⴱⴻⴷⴷ ⴽⵓⵍ ⴰⵙⴻⴳⴳⴰⵙ ⵉ ⵡⴰⴽⴽⴻⵏ ⴰⴷ ⴷ-ⵏⴻⵙⵙⴻⴽⵜⵉ ⵜⴰⴽⵜⵉⵜ ⵜⵓⵙⵍⵉⴳⵜ: ⴰⵙⴱⴻⴷⴷ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ ⴷ ⵓⵙⵓⵖⴰⵍ ⵏ ⵓⵥⴰⵔⵓ ⵖⴻⵔ ⵓⵡⴰⵏⴰⴽ.
ⴷⴻⴳ ⵜⴳⵏⵉⵜ-ⴰⴳⵉ, ⵏⴻⵜⵜⵃⵉⴼⴼⵉ ⵙ ⵢⵉⵡⴻⵏ ⵡⴰⵙⵙ ⵓⵔ ⵏⴻⵜⵜⵓ ⴷⴻⴳ ⵓⵎⴻⵣⵔⵓⵢ ⵏ ⵜⴳⵔⴰⵡⵍⴰ-ⵏⵏⴻⵖ ⵜⵓⵇⴷⵉⵙⵜ, ⵉⵎⵉ ⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ ⴹⴻⵎⵎⵏⴻⵏ ⴰⴷ ⴷⴷⵓⵏ ⴷ ⵓⵎⴻⵏⵏⵓⵖ ⵢⴻⵙⵙⴻⵍⵃⴻⵏ. ⴰⵢⴰ ⵢⴻⵙⴱⴻⵢⵢⴻⵏ-ⴷ ⴱⴻⵍⵍⵉ ⴰⴳⴷⵓⴷ ⵎⴰⵕⵕⴰ ⵢⴻⵇⵇⴻⵏ ⵖⴻⵔ ⵜⴳⵔⴰⵡⵍⴰ-ⵉⵙ ⵉⵊⴻⵀⴷⴻⵏ. ⵏⴻⵙⵙⴻⴽⵜⴰ-ⴷ ⵉⵎⴷⵓⴽⴽⴻⵍ ⵏ ⵓⵎⴳⴰⵔⵓ ⵄⵉⵙⴰ ⵢⵉⴷⵉⵔ ⴷ ⵜⵙⵓⵜⵉⵡⵉⵏ ⵏ ⵢⵉⵅⴻⴷⴷⴰⵎⴻⵏ ⵉ ⵢⴻⴱⴷⴰⵏ ⴰⴱⵔⵉⴷ ⵏ ⵓⵃⴰⴷⴰⵔ ⵏ ⵍⵣⵣⴰⵢⴻⵔ. ⴰⵢⴻⵏ ⵉ ⵜⴻⴼⴽⴰ ⵜⴷⵓⴽⴽⵍⵉ-ⴰⴳⵉ ⵏ ⵢⵉⵎⴳⴰⵔⵓⵜⴻⵏ ⵏ ⵜⵎⴰⵙⵉⵜ, ⵍⴰⴷⵯⴰ ⴰⵎⴳⴰⵔⵓ ⵄⴻⴱⴷⵓⵍⵃⴰⵇ ⴱⴻⵏ ⵃⵎⵓⴷⴰ, ⴷ ⵜⴰⵢⵏⵉⵜ ⵉⵊⴻⵀⴷⴻⵏ ⵉ ⵜⵎⵓⵔⵜ ⴷ ⵓⴼⵔⴰⵃ ⵙ ⵜⵓⴽⴽⵉⵡⵉⵏ ⵏ ⵏⵓⵡⴰⵎⴱⴻⵔ.
ⴷⴻⴳ ⵡⴰⵙⵙ-ⴰ ⴷⴰⵖⴻⵏ, ⵏⴻⵙⵙⴻⴽⵜⴰ-ⴷ ⵢⵉⵡⴻⵏ ⵓⵏⴰⴹ ⵏ ⵜⴷⵓⴳⴰⵎⵜ ⵉⵊⴻⵀⴷⴻⵏ. ⵉⵣⵣⴰⵢⵔⵉⵢⴻⵏ ⴰⴷ ⴷ-ⵙⵙⴻⴽⵜⵉⵏ ⴷⴰⵢⵎⴻⵏ ⴰⵎⴻⴽ ⵉⵎⵓⵙⵏⴰⵡⴻⵏ ⴷ ⵢⵉⵜⴻⴽⵏⵉⴽⵉⵢⴻⵏ-ⵏⵏⴻⵖ ⵇⴻⴱⵍⴻⵏ ⴰⵣⵣⴻⵔⵣⴻⵔ (challenge) ⵉ ⵡⴰⴽⴽⴻⵏ ⴰⴷ ⵢⴻⵇⵇⵉⵎ ⵓⴼⴰⵔⵉⵙ ⵏ ⵜⵣⵎⴻⵔⵜ ⵢⴻⵍⵃⵓ ⵎⴱⴰⵄⴻⴷ ⵎⴰ ⵏⴻⵔⵔⴰ-ⴷ ⵜⵔⴻⵣⵡⴰ-ⵏⵏⴻⵖ ⵖⴻⵔ ⵓⴼⵓⵙ-ⵏⵏⴻⵖ ⴰⵙⵙ ⵏ 24 ⴼⵓⵔⴰⵔ 1971. ⵡⵉⴷ-ⴰⴳⵉ ⴷ ⴰⵎⴻⴷⵢⴰ ⵉ ⵡⵉⴷ ⵉ ⴷ-ⵢⴻⴷⴷⴰⵏ ⵎⴱⴰⵄⴻⴷ ⴷⴻⴳ ⵓⵃⴻⴳⴳⵉ ⴷ ⵓⵙⴻⴳⴳⴻⵎ ⵏ ⵓⵥⴰⵔⵓ ⴷ ⵓⴳⴰⵣ, ⵙⴻⴳ ⵓⵏⴰⴷⵉ ⴰⵍⴰⵎⵎⴰ ⴷ ⵓⵣⴻⵏⵣⵉ. ⵙ ⵜⵣⵎⴰⵔ-ⵏⵙⴻⵏ, ⵏⴻⵙⵙⴻⵍⵉ ⴰⴼⴰⵔⵉⵙ-ⵏⵏⴻⵖ ⵢⴻⵔⵏⴰ ⵜⵓⵔⴰ ⵍⵣⵣⴰⵢⴻⵔ ⴷ ⵜⴰⵎⵓⵔⵜ ⵜⵉⵙ ⵙⴰ (07) ⴷⴻⴳ ⵓⵣⴻⵏⵣⵉ ⵏ ⵓⴳⴰⵣ ⴷⴻⴳ ⵓⵎⴰⴹⴰⵍ, ⴷ ⵜⴰⵎⵓⵔⵜ ⵜⵉⵙ ⴽⵔⴰⴹⵜ (03) ⵉ ⵢⴻⵜⵜⴰⴽⴽⴻⵏ ⴰⴳⴰⵣ ⵉ ⵜⵓⵔⵓⴼⵜ, ⵢⴻⵔⵏⴰ ⵏⴻⵙⵄⴰ ⵜⵔⴻⵣⵡⴰ ⵜⵉⵙ ⴽⵔⴰⴹⵜ ⵏ ⵍⴱⴻⵟⵔⵓⵍ ⴷⴻⴳ ⵜⴼⵔⵉⵇⵜ.
ⵏⴻⵥⵔⴰ ⴱⴻⵍⵍⵉ ⵢⵉⵎⴰⵍ ⴰⴷ ⵢⵉⵍⵉ ⴷ ⴰⴼⵔⴰⵃ ⵙ ⵜⵎⵓⵙⵏⵉ ⴷ ⵜⵣⵎⴻⵔⵜ ⵏ ⵢⵉⵅⴻⴷⴷⴰⵎⴻⵏ-ⵏⵏⴻⵖ ⵉ ⵡⴰⴽⴽⴻⵏ ⴰⴷ ⵙⵎⴰⵢⵏⵓⵏ ⵜⵔⴻⵣⵡⴰ-ⵏⵏⴻⵖ ⵢⴻⵔⵏⴰ ⴰⴷ ⵙⵊⴻⵀⴷⴻⵏ ⵜⴰⵎⴻⴳⵓⵔⵉ. ⵏⴻⴱⵯⴰ ⴰⴷ ⵏⴻⵊⵊⴻⵀⴻⴷ ⵢⵉⵍⵎⴻⵣⵢⴻⵏ-ⵏⵏⴻⵖ ⴷⴻⴳ ⵓⵃⴻⴳⴳⵉ ⵏ ⵜⵜⴻⴽⵏⵓⵍⵓⵊⵢⴰ ⵏ ⵜⵓⵔⴰ. ⴰⵢⴻⵏ ⵢⴻⵜⵜⵓⵅⴷⴻⵎⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ ⴷ ⵡⴰⵢⴻⵏ ⵉⵜⴻⴷⴷⵓⵏ ⵏ ⵢⵉⵙⴻⵏⴼⴰⵔⴻⵏ ⴷ ⵜⵓⴳⴳⴰ ⵖⴻⴼ ⵓⴱⵔⵉⴷ ⵏ ⵍⵣⵣⴰⵢⴻⵔ ⵜⴰⵎⴰⵢⵏⵓⵜ ⵢⴻⴱⵏⴰⵏ ⵖⴻⴼ ⵜⴷⴰⵎⵙⴰ ⵢⴻⵚⴼⴰⵏ.
ⵏⴻⴼⵔⴻⵃ ⴰⵟⴰⵙ ⵉⵎⵉ ⵏⴻⵥⵔⴰ ⴰⴳⴷⵓⴷ ⴰⵣⵣⴰⵢ ⵢⴻⵇⴱⴻⵍ ⴰⵙⴻⵏⴼⴰⵔ ⴰⵎⴻⵇⵇⵔⴰⵏ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⵡⵓⵥⴰⵔⵓ ⵏ ⵓⵜⵔⴰⵎ. ⴰⵢⴰ, ⴷ ⵢⵉⵙⴻⵏⴼⴰⵔⴻⵏ ⵏⵏⵉⴹⴻⵏ, ⵙⵙⴻⴽⵏⴻⵏ-ⴷ ⴱⴻⵍⵍⵉ ⵜⴰⵖⴻⵔⵜ ⵏ ⵍⵣⵣⴰⵢⴻⵔ ⵜⴰⵎⴰⵢⵏⵓⵜ ⵜⴻⴱⵏⴰ ⵖⴻⴼ ⵜⵉⴷⴻⵜ ⴷ ⵍⵎⴻⵏⵜⴻⵇ ⵢⴻⵔⵏⴰ ⵜⴻⵇⵇⴻⵏ ⵖⴻⵔ ⵜⵓⴽⴽⵉⵡⵉⵏ ⵏ ⵏⵓⵡⴰⵎⴱⴻⵔ. ⵍⵣⵣⴰⵢⴻⵔ ⵜⵓⵔⴰ ⵜⴻⴱⵯⴰ ⴰⴷ ⵜⴻⴱⵏⵓ ⵉⵙⵍⴰⵢⴻⵏ ⵏ ⵓⵎⵢⴻⵍⵍⴻⵍ ⴷ ⵎⴰⵕⵕⴰ ⵜⵎⵓⵔⴰ ⵏ ⵓⵎⴰⴹⴰⵍ ⵖⴻⴼ ⵍⴼⴰⵢⴷⴰ ⵢⴻⴷⴷⵓⴽⴽⵍⴻⵏ.
ⴰⴷ ⴼⴽⴻⵖ ⴰⵣⵓⵍ ⵉ ⵎⴰⵕⵕⴰ ⵢⵉⵅⴻⴷⴷⴰⵎⴻⵏ ⴷ ⵜⵢⵅⴻⴷⴷⴰⵎⵉⵏ ⴷⴻⴳ ⵡⴰⵙⵙ-ⴰ ⵏ ⵓⵙⴱⴻⴷⴷ ⵏ ⵜⴷⵓⴽⴽⵍⵉ-ⵏⵙⴻⵏ, ⴷ ⵎⴰⵕⵕⴰ ⵢⵉⵅⴻⴷⴷⴰⵎⴻⵏ ⵏ ⵓⵃⵔⵉⵛ ⵏ ⵓⵥⴰⵔⵓ. ⴰⴷ ⴽⴻⵎⵎⵍⴻⵏ ⴰⴱⵔⵉⴷ ⵏ ⵢⵉⵎⵣⵡⵓⵔⴰ-ⵏⵙⴻⵏ ⵙ ⵜⵣⵎⴻⵔⵜ ⴷ ⵍ lⵃⴻⵔⵎⴰ ⵉ ⵓⵙⴰⵍⴰⵢ ⵏ ⵜⵎⵓⵔⵜ.
ⵜⵉⴷⴻⵔⴼⵜ ⵉ ⵍⵣⵣⴰⵢⴻⵔ. ⴰⵣⴰⵍ ⴷ ⵜⵉⵍⴻⵍⵍⵉ ⵉ ⵢⵉⵎⴳⴰⵔⵓⵜⴻⵏ-ⵏⵏⴻⵖ ⵉⵖⵣⵉⵣⴰⵏ. ⵜⴰⵍⵡⵉⵜ ⵏ ⵔⵔⴻⴱⴱⵉ ⴰⴷ ⵜⴻⵍⵍⵉ ⵖⴻⴼ-ⵡⴻⵏ."
ⴰⵔⵏⵓ ⵖⴻⵔ
