ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵜⴻⴳ ⵜⴷⵓⴽⴽⵍⵉ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ (FAF), ⴰⴳⵔⴰⵡ-ⵉⵙ ⴰⵎⴰⴳⴷⴰⵢ ⴰⵎⴻⵣⴳⵓⵏ ⴰⵙⵙ ⵏ ⵙⵙⴻⴱⵜ 11 ⵏ ⵢⴻⴱⵔⵉⵔ. ⴰⵢⴰ ⵉ ⴷ-ⵜⴻⴱⴱⴻⵔⵔⴻⵃ ⵜⵎⴻⵔⵙⴻⵍⵜ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⵙⵎⴻⵍ-ⵉⵙ ⵓⵏⵚⵉⴱ ⴷⴻⴳ ⵡⴰⵏⵜⵉⵔⵏⴻⵜ.
ⴷⴻⴳ ⵡⴰⵍⵖⵓ ⵏ ⵜⴷⵓⴽⴽⵍⵉ, ⵏⵏⴰⵏ-ⴷ: "ⵙ ⵓⵙⴻⴷⵎⴻⵔ ⵏ ⵢⵉⵍⵓⴳⴰⵏ ⵉⵙⴰⵙⵉⵢⴻⵏ ⵏ ⵜⴷⵓⴽⴽⵍⵉ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ, ⵍⴰⴷⵯⴰ ⵜⴰⵙⴻⴷⴷⴰⵔⵜ ⵜⵉⵙ 32, ⴰⵎⵙⴻⵍⵡⴰⵢ ⵏ ⵜⵎⴻⵔⵙⴻⵍⵜ ⵢⴻⵙⵙⴰⵡⴻⴹ ⵉⵙⴰⵍⵍⴻⵏ ⵉ ⵎⴰⵕⵕⴰ ⵢⵉⵎⴻⵙⵍⴻⵢⴻⵏ ⵓⵏⵚⵉⴱⴻⵏ ⴱⴻⵍⵍⵉ ⵜⴰⵙⵓⵜⵍⵜ ⵏ ⵓⴳⵔⴰⵡ ⴰⵎⴰⴳⴷⴰⵢ ⴰⵎⴻⵣⴳⵓⵏ ⴰⴷ ⵜⴻⵍⵍⵉ ⴰⵙⵙ ⵏ ⵙⵙⴻⴱⵜ 11 ⵢⴻⴱⵔⵉⵔ 2026 ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ".
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⴰⵍⵍⵓ-ⵏⵏⵉ, ⴷ ⵓⵇⴰⴷⴻⵔ ⵏ ⵜⴰⵙⴻⴷⴷⴰⵔⵜ 32.4 ⵏ ⵍⵇⴰⵏⵓⵏ ⴰⵙⴰⵙⵉ, "ⴰⴷ ⵛⴻⵢⵢⵄⴻⵏ ⵜⵉⵡⵔⵉⵇⵉⵏ ⵏ ⵓⵙⵜⴻⵇⴱⴻⵍ ⵓⵏⵚⵉⴱⴻⵏ ⵢⴻⵔⵏⴰ ⴰⴷ ⴷⴷⵓⵏ ⵢⵉⴷ-ⵙⴻⵏⵜ ⵡⴰⵀⵉⵍ ⵏ ⵓⵎⴰⵀⵉⵍ, ⴰⵙⴻⴼⵔⴻⵯ ⵏ ⵍⴻⵇⴷⵉⵛ ⴷ ⵡⵉⵏ ⵏ ⵡⴻⴷⵔⵉⵎ ⴰⵙⴻⴳⴳⴰⵙⴰⵏ ⴷ ⵓⵙⴻⴼⵔⴻⵯ ⵏ ⵓⵎⵙⵉⴹⴻⵏ ⵏ ⵢⵉⴼⴰⵢⵍⴻⵏ ⵉ ⵎⴰⵕⵕⴰ ⵢⵉⵎⴻⵙⵍⴻⵢⴻⵏ, ⴰⵢⴰ ⵎⵔⴰⵡ (10) ⵓⵙⵙⴰⵏ ⵓⵇⴱⴻⵍ ⴰⵣⵎⴻⵣ ⵏ ⵓⴳⵔⴰⵡ".
ⵢⴻⵍⵀⴰ ⴰⴷ ⴷ-ⵏⴻⵙⵙⴻⴽⵜⵉ ⴱⴻⵍⵍⵉ ⵜⴰⴷⵓⴽⴽⵍⵉ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⵢⴻⵙⵙⴻⵍⵡⴰⵢ-ⵉⵜⵜ ⵎⴰⵙⵙ ⵡⴰⵍⵉⴷ ⵚⴰⴷⵉ ⵙⴻⴳ ⵡⴰⴳⴳⵓⵔ ⵏ ⵛⵜⴻⵎⴱⴻⵔ 2023. ⵎⴰⵙⵙ ⵚⴰⴷⵉ ⵢⴻⵜⵜⵓⴼⵔⴻⵏ ⵉ ⵢⵉⵡⴻⵜ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ ⵏ ⴽⵓⵣ ⵏ ⵢⵉⵙⴻⴳⴳⴰⵙⴻⵏ (2025-2029) ⴷⴻⴳ ⵓⴳⵔⴰⵡ ⵓⵥⵍⴰⵢ ⵏ ⵓⴼⵔⴰⵏ ⵉ ⴷ-ⵢⴻⵍⵍⴰⵏ ⵡⴰⵙⵙ ⵏ 25 ⴼⵓⵔⴰⵔ 2025 ⴷⴻⴳ ⵡⴰⵅⴰⵎ ⵏ ⵍⵄⴻⵙⴽⴻⵔ ⴷⴻⴳ ⴱⵏⵉ ⵎⴻⵙⵙⵓⵙ (ⵍⵣⵣⴰⵢⴻⵔ ⵜⴰⵎⴰⵏⴻⵖⵜ).
ⴰⵔⵏⵓ ⵖⴻⵔ
