ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵎⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ, ⵎⴰⵙⵙ ⵉⴱⵔⴰⵀⵉⵎ ⴱⵓⵖⴰⵍⵉ, ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⴰⵃⵢⵓ ⵏ ⵜⴰⴽⵜⵉⵜ ⵜⵓⵙⵍⵉⴳⵜ ⵏ ⵓⵙⴱⴻⴷⴷ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ ⴷ ⵓⵙⵓⵖⴰⵍ ⵏ ⵓⵥⴰⵔⵓ ⵖⴻⵔ ⵓⵡⴰⵏⴰⴽ, ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⴷ-ⵏⴻⵙⵙⴻⴽⵜⵉ ⴰⵙⴼⴻⵍ ⵏ ⵢⵉⵎⴳⴰⵔⵓⵜⴻⵏ ⵢⴻⵔⵏⴰ ⴰⴷ ⴷ-ⴰⵡⵢⴻⵏ ⵜⵉⵎⵓⵙⵏⵉⵡⵉⵏ ⵙⴻⴳ ⵜⴻⴷⵎⵉ ⵜⴰⵖⴻⵍⵏⴰⵡⵜ ⵜⵓⵏⵏⵉⴳⵜ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⵢⴻⴼⴽⴰ ⴷⴰⵜ ⵢⵉⵎⴱⴻⵇⵇⴰⵙ ⴷⴻⴳ ⵢⵉⵡⴻⵜ ⵏ ⵜⵎⵍⵉⵍⵉⵜ ⵜⴰⴳⴷⵓⴷⴰⵏⵜ, ⵎⴰⵙⵙ ⴱⵓⵖⴰⵍⵉ ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⴰⵙⵙ ⵏ 24 ⴼⵓⵔⴰⵔ ⴷ ⵜⴰⴳⵏⵉⵜ ⵉ ⵓⵙⵊⴻⵀⴻⴷ ⵏ ⵓⴼⵔⴰⵃ ⴷ ⵜⴰⵢⵏⵉⵜ ⵉ ⵍⴻⵇⴷⵉⵛ ⵏ ⵢⵉⵅⴻⴷⴷⴰⵎⴻⵏ ⴷ ⵜⵢⵅⴻⴷⴷⴰⵎⵉⵏ ⴷⴻⴳ ⵎⴰⵕⵕⴰ ⵢⵉⵎⴽⴰⵏⴻⵏ. ⵢⴻⵙⵙⴻⵊⴷⴻⴷ ⴱⴻⵍⵍⵉ ⴰⵢⴰ ⴰⴷ ⵢⴻⵇⵇⵉⵎ ⴷ ⴰⵙⴰⵍⵍⵓ ⵏ ⵜⴼⴰⵡⵜ ⵉ ⵜⵙⵓⵜⵉⵡⵉⵏ ⵜⵉⵎⴰⵢⵏⵓⵜⵉⵏ ⵉ ⵡⴰⴽⴽⴻⵏ ⴰⴷ ⵇⴰⴱⵍⴻⵏⵜ ⵉⵖⵉⵍⵉⴼⴻⵏ, ⴰⴷ ⵃⴰⴷⵔⴻⵏⵜ ⵜⵉⵍⴻⵍⵍⵉ ⵏ ⵜⵖⵜⴻⵙⵜ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴰⴷ ⵙⵊⴻⵀⴷⴻⵏⵜ ⵜⴰⴷⵓⴳⴰⵎⵜ ⵜⴰⴷⴰⵎⵙⴰⵏⵜ ⵏ ⵍⵣⵣⴰⵢⴻⵔ.
ⵓⵎⵙⴻⵍⵡⴰⵢ ⵏ ⵓⴳⵔⴰⵡ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⴷ-ⵏⴻⵙⵙⴻⴽⵜⵉ ⵍⴻⴱⵖⵉ ⵉⵊⴻⵀⴷⴻⵏ ⵏ ⵢⵉⵎⵓⵊⴰⵀⵉⴷⵉⵏ ⴷ ⵢⵉⵔⴳⴰⵣⴻⵏ ⵏ ⵓⵡⴰⵏⴰⴽ ⵉ ⵢⴻⵏⵏⵓⵖⴻⵏ ⵖⴻⴼ ⵜⵍⴻⵍⵍⵉ ⴷ ⵓⵙⴱⴻⴷⴷ ⵏ ⵜⵎⵓⵔⵜ ⵜⴰⴷⴻⵔⴼⵜ. ⵢⴻⵙⵙⴻⴽⵏ-ⴷ ⴱⴻⵍⵍⵉ ⴰⴱⵔⵉⴷ-ⴰⴳⵉ ⵏ ⵓⵙⵊⴻⵀⴻⴷ ⵏ ⵜⴷⵓⴳⴰⵎⵜ ⵜⴰⴷⴰⵎⵙⴰⵏⵜ ⵢⴻⵜⵜⴽⴻⵎⵎⵉⵍ ⵙ ⵏⵏⵡⴰⵢⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ.
ⵢⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵍⴻⵇⴷⵉⵛ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⵏ ⵢⵉⴻⴷⴷⴰⵎⴻⵏ (UGTA) ⴷⴻⴳ ⵓⵃⴰⴷⴰⵔ ⵏ ⵍⴼⴰⵢⴷⴰ ⵏ ⵜⵎⵓⵔⵜ ⴷ ⵓⵙⵊⴻⵀⴻⴷ ⵏ ⵡⴰⵏⵏⴰⵔ ⴰⴷⵉⴳⴰⵏ. ⵢⴻⵛⴽⴻⵔ ⴷⴰⵖⴻⵏ ⴰⵙⴼⴻⵍ ⵏ ⵢⵉⵎⵓⵙⵏⴰⵡⴻⵏ, ⵢⵉⵜⴻⴽⵏⵉⴽⵉⵢⴻⵏ ⴷ ⵢⵉⵅⴻⴷⴷⴰⵎⴻⵏ ⵉ ⵢⴻⵇⴱⴻⵍⵏ ⴰⵣⵣⴻⵔⵣⴻⵔ ⵏ ⵓⵙⵓⵖⴰⵍ ⵏ ⵓⵥⴰⵔⵓ ⵖⴻⵔ ⵓⵡⴰⵏⴰⴽ, ⴰⵢⴻⵏ ⵢⴻⵔⵔⴰ ⵍⵣⵣⴰⵢⴻⵔ ⴰⴷ ⵜⴻⵟⵟⴻⴼ ⴰⵎⴽⴰⵏ ⴰⵎⴻⵇⵇⵔⴰⵏ ⴷⴻⴳ ⵢⵉⵙⵡⴰⵇⴻⵏ ⵏ ⵓⵥⴰⵔⵓ ⴷ ⵓⴳⴰⵣ ⴷⴻⴳ ⵓⵎⴰⴹⴰⵍ.
ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⴻⵔ ⵜⴻⵜⵜⴻⴷⴷⵓ ⵙ ⵜⴼⴻⵍⵙⵜ ⴷⴻⴳ ⵓⴱⵔⵉⴷ ⵏ ⵓⵏⴻⴳⵎⵓ ⵢⴻⵔⵏⴰ ⵜⴻⵇⵇⴻⵏ ⵖⴻⵔ ⵜⵓⴽⴽⵉⵡⵉⵏ ⵏ ⵏⵓⵡⴰⵎⴱⴻⵔ ⵉ ⵡⴰⴽⴽⴻⵏ ⴰⴷ ⵜⴻⴱⵏⵓ ⵢⵉⵎⴰⵍ ⵢⴻⵛⵛⵓⵔⴻⵏ ⴷ ⵜⵍⴻⵡⵡⵉⵜ ⴷ ⵜⵔⴻⵣⵡⴰ.
ⴰⵔⵏⵓ ⵖⴻⵔ
