ⵜⴻⵡⵡⴻⴹ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⵖⴻⵔ ⵜⴻⵎⴷⵉⵏⵜ ⵏ ⵙⴰⵏ ⴼⵔⴰⵏⵛⵉⵙⵛⵓ ⴷⴻⴳ ⵜⵡⵉⵍⴰⵢⵜ ⵏ ⴽⴰⵍⵉⴼⵓⵔⵏⵢⴰ, ⵜⵓⵙⴰ-ⴷ ⵙⴻⴳ ⵍⴰⵡⵔⴻⵏⵛⴻ ⴷⴻⴳ ⴽⴰⵏⵙⴰⵙ, ⴷⴻⴳ ⵓⵣⴻⵏⵣⵉⵖ ⵏ ⵓⵀⴻⴳⴳⵉ ⵉ ⵜⴻⵎⵍⵉⵍⵉⵜ ⵜⵉⵙ ⵙⵏⴰⵜ ⴷⴻⴳ ⵜⴰⴳⴳⴰⵔⴰ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026, ⴰⵔⴰ ⴷ-ⵢⵉⵍⵉⵏ ⵣⴷⴰⵜ ⵏ ⵜⴻⵔⴱⴰⵄⵜ ⵏ ⵍⵓⵔⴷⵓⵏ, ⴷⴻⴳ ⵓⵏⵏⴰⵔ "PayPal Park", ⴰⵙⵙ ⵏ ⵜⵜⵍⴰⵜⴰ ⵙⴻⴳ ⵜⵙⴻⵜⵜⴰ ⵏ ⵢⵉⴹ (04:00) ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵜⴻⴼⴽⴰ ⵢⵉⵙⴰⵍⵍⴻⵏ ⵜⴰⴷⵓⴽⵍⴰ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ (ⴼⴰⴼ) ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵓⵙⵎⴻⵍ-ⵉⵙ ⵓⵏⵚⵉⴱ.
ⵜⴰⵔⴱⴰⵄⵜ ⵏ "ⵉⵣⵉⵏⵣⴰⵡⴻⵏ", ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⴼⴰⴼ ⵎⴰⵙⵙ ⵡⴰⵍⵉⴷ ⵚⴰⴷⵉ, ⵜⴻⵡⵡⴻⴹ ⵖⴻⵔ ⵓⵙⴰⴳⴻⵏ ⵏ ⵓⵙⴰⴼⴰⴳ ⴰⴳⵔⴻⵖⵍⴰⵏ ⵏ ⵙⴰⵏ ⵊⵓⵙⴻ ⴷⴻⴳ ⵜⵙⴻⵜⵜⴰ ⵏ ⵢⵉⴹ (03:00) ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ, ⵙⴻⵍⴷ ⵎⵉ ⵅⴻⴷⵎⴻⵏ ⵜⵉⵖⵉⵎⵉⵜ-ⵏⵙⴻⵏ ⵜⴰⵏⴻⴳⴳⴰⵔⵓⵜ ⵏ ⵓⵙⵉⵍⴻⵖ ⴷⴻⴳ ⵍⴰⵡⵔⴻⵏⵛⴻ ⵉ ⴷⴻⴳ ⵢⴻⵍⵍⴰ ⵓⵎⵣⴰⵔⴰⴳ ⴰⵎⴻⵏⵣⵡⵓ ⵏ ⵜⴻⵔⴱⴰⵄⵜ ⴷⴻⴳ ⵜⴻⵍⵖⵓⵖⴰ-ⴰⴳⵉ.
ⵢⵉⵍⴻⵎⵣⵢⴻⵏ ⵏ ⵓⵙⵍⴻⵖⵎⴰⵢ ⵠⵍⴰⴷⵉⵎⵉⵔ ⵒⴻⵜⴽⵓⵠⵉⵛ ⴰⴷ ⵓⵔⴰⵔⴻⵏ ⵜⵉⵎⵍⵉⵍⵉⵜ ⵣⴷⴰⵜ ⵏ ⵍⵓⵔⴷⵓⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⴻⴳⵏⴰⵜⵉⵏ-ⵏⵙⴻⵏ ⵏ ⵓⵙⵉⵙⵀⴻⵍ (qualification) ⵖⴻⵔ ⵓⵃⵔⵉⵛ ⵉ ⴷ-ⵉⵜⵜⴻⴷⴷⵓⵏ.
ⵉⵜⵜⵡⴰⵕⴶⴰ ⴰⴷ ⵜⴻⵅⴷⴻⵎ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ, ⴰⵙⵙ-ⴰ ⵏ ⵍⵀⴻⴷ, ⵜⵉⵖⵉⵎⵉⵜ-ⵉⵙ ⵜⴰⵏⴻⴳⴳⴰⵔⵓⵜ ⵏ ⵓⵙⵉⵍⴻⵖ ⴷⴻⴳ ⵓⵏⵏⴰⵔ ⵏ ⵜⴻⵎⵍⵉⵍⵉⵜ ⵙⴻⴳ 17:00 ⵙ ⵍⵡⴻⵇⵜ ⵏ ⴷⵉⵏⵏⴰ, ⵉⵡⴰⴽⴽⴻⵏ ⴰⴷ ⴷ-ⵙⴻⵔⵔⵙⴻⵏ ⵜⵉⵙⴼⴻⵔⵉⵜ (touches) ⵜⵉⵏⵏⴻⴳⴳⵓⵔⴰ ⵏ ⵜⵜⴰⴽⵜⵉⵇ ⵓⵇⴱⴻⵍ ⴰⵎⵣⵉⵣⵡⴻⵔ-ⴰⴳⵉ ⵉⵕⴻⵙⵙⴰⵏ.
ⴰⵔⵏⵓ ⵖⴻⵔ
