ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵡⴰⴷⴷⴰⵍ, ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ, ⴱⴻⵍⵍⵉ ⵜⴻⵙⵙⴻⵔⵔⴻⵙ-ⴷ ⵉⵙⵓⵔⴰ ⵏ ⵓⵙⵉⵍⴻⵖ ⵉⵎⴰⵢⵏⵓⵜⴻⵏ ⵉ ⵏⴼⴰⵄ ⵏ ⵢⵉⵎⵔⴻⴱⴱⵉⵢⴻⵏ ⵏ ⵡⴰⴷⴷⴰⵍ ⵙ ⵜⴰⵔⵔⴰⵢⵜ ⵏ ⵡⴰⴽⵓⴷ ⴰⵎⵉⵣⵢⴰⵏ (ⵜⴻⵎⵒⵙ ⵒⴰⵔⵜⵉⴻⵍ). ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵏⵏⴰⵔ ⵏ ⵓⵙⴻⵍⴽⴻⵎ ⵏ ⵡⴰⵀⵉⵍ ⵏ ⵓⵙⵉⵍⴻⵖ ⵏ ⵓⵏⵏⴰⵔ ⴷ ⵙⴻⵍⴷ ⴰⵙⵎⴰⵢⵏⵓⵜ ⵏ ⵢⵉⵏⴳⵔⴰⵡⴻⵏ ⵢⴻⵄⵏⴰⵏ ⴰⵙⵉⵍⴻⵖ.
ⵜⴻⵙⵙⴻⴼⵀⴻⵎ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵜⴰⵔⵔⴰⵢⵜ ⵜⴰⵎⴰⵢⵏⵓⵜ ⵉⵙⵡⵉ-ⵉⵙ ⴷ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵓⵙⵉⵍⴻⵖ ⴷ ⵓⴼⵙⵉⵙ ⵏ ⵓⵏⴻⴽⵛⵓⵎ ⵖⴻⵔ ⵜⵎⵓⵀⴻⵍ ⵏ ⵓⵙⴻⵍⵎⴻⴷ, ⴰⵏⵉⴷⴰ ⵉ ⵜⵜⵓⵙⴰⴷⴻⵔ ⵜⴰⵍⵍⵉⵜ ⵏ ⵓⵙⵉⵍⴻⵖ ⵙⴻⴳ ⵓⵙⴻⴳⴳⴰⵙ ⵖⴻⵔ ⵙⴹⵉⵙ (06) ⵏ ⵡⴰⵢⵢⵓⵔⴻⵏ. ⴰⵢⴰⴳⵉ ⴰⴷ ⵢⴻⴶⴶ ⵡⵉⴷ ⵢⴻⴱⵖⴰⵏ ⴰⴷ ⴷ-ⴰⵡⵉⵏ ⵜⵉⴳⴻⵔⴷⴰⵙ-ⵏⵙⴻⵏ ⴷⴻⴳ ⵡⴰⴽⵓⴷ ⴰⵡⴻⵣⵣⵍⴰⵏ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⴰⵎⴰⵀⵉⵍ-ⵏⵙⴻⵏ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ.
ⵍⵍⴰⵏⵜ-ⴷ ⵜⴰⵔⵔⴰⵢⵉⵏ ⵏ ⵓⴼⵙⵉⵙ ⵉ ⵢⵉⵎⵜⴻⴽⴽⵉⵢⴻⵏ, ⴳⴰⵔ-ⴰⵙⴻⵏⵜ ⵜⵓⴽⵛⵉ ⵏ ⵜⴻⴳⴻⵔⴷⴰⵙⵜ ⵜⵓⴷⴱⴻⵍⵜ ⵜⴰⵎⴻⵥⵢⴰⵏⵜ (ⵒⵔⵓⵠⵉⵙⵓⵉⵔⴻ) ⵉ ⵓⵏⴻⵍⵎⴰⴷ ⵉⵎⵉⵔⴻⵏ ⴽⴰⵏ ⵙⴻⵍⴷ ⴰⵊⴻⵔⵔⴻⴷ-ⵉⵙ ⴷ ⵓⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ, ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵓⵏⵏⴰⵔ ⵏ ⵓⵙⴻⵍⵎⴻⴷ ⴰⵍⴰⵎⵎⴰ ⵢⴻⴼⵓⴽⴽ ⴰⵙⵉⵍⴻⵖ-ⵉⵙ ⵓ ⴰⴷ ⴷ-ⵢⴰⵡⵉ ⵜⴰⴳⴻⵔⴷⴰⵙⵜ ⵏ ⵜⴰⴳⴳⴰⵔⴰ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴻⵙⵙⴻⴽⵜⵉ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵉⵎⴰⵀⵍⴰⵏⴻⵏ (ⴼⵓⵏⵛⵜⵉⵓⵏⵏⴰⵉⵔⴻⵙ) ⵏ ⵓⵏⵏⴰⵔ ⵏ ⵡⴰⴷⴷⴰⵍ ⵉ ⵢⴻⵙⵄⴰⵏ ⵜⴰⴳⴻⵔⴷⴰⵙⵜ ⵏ "ⵓⵎⵔⴻⴱⴱⵉⵢ ⴰⵎⴻⵏⵣⵓ ⵏ ⵜⵉⴳⴳⴰⵜⵉⵏ ⵏ ⵍⴶⴻⵜ ⴷ ⵡⴰⴷⴷⴰⵍ" ⴷ ⵓⵎⵛⴻⵡⵡⴻⵔ ⵏ ⵡⴰⴷⴷⴰⵍ, ⵣⴻⵎⵔⴻⵏ ⴰⴷ ⴷ-ⵔⵔⴻⵏ ⵜⵉⴳⴻⵔⴷⴰⵙ-ⵏⵙⴻⵏ ⵏ ⵓⵎⵎⵉⵣⵉ (éⵇⵓⵉⵠⴰⵍⴻⵏⵛⴻ) ⴷⴻⴳ ⵓⵙⵡⵉⵔ ⵡⵉⵙ ⴽⵔⴰⴷ ⵙ ⵜⴰⵔⵔⴰⵢⵜ ⵜⴰⵡⵓⵔⵎⴰⵏⵜ. ⵎⴰ ⴷ ⵡⵉⴷ ⵉⵕⴻⵙⵙⴰⵏ ⴷⴻⴳ ⵓⵙⵡⵉⵔ ⵏ ⵓⵎⵔⴻⴱⴱⵉⵢ ⵏ ⵡⴰⴷⴷⴰⵍ ⵉ ⵢⵓⵍⵉ ⵖⴻⵔ ⵓⵙⵡⵉⵔ ⵏ ⵓⵎⵔⴻⴱⴱⵉⵢ ⴰⵎⴻⵏⵣⵓ, ⵣⴻⵎⵔⴻⵏ ⴰⴷ ⴷ-ⵜⴻⴽⴽⵉⵏ ⴷⴻⴳ ⵓⵙⵉⵍⴻⵖ ⴰⵡⴻⵣⵣⵍⴰⵏ ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ ⵜⴰⴳⴻⵔⴷⴰⵙⵜ ⵏ ⵓⵙⵡⵉⵔ ⵡⵉⵙ ⴽⵔⴰⴷ.
ⴰⵎ ⴰⴽⴽⴻⵏ ⵉ ⵣⴻⵎⵔⴻⵏ ⵡⵉⴷ ⵉ ⴷ-ⵢⴻⴼⴼⵖⴻⵏ ⵙⴻⴳ ⵢⵉⵎⴰⵄⵀⴷⴻⵏ ⵏ ⵓⵙⴻⴳⵎⵉ ⵏ ⵍⴶⴻⵜ ⴷ ⵡⴰⴷⴷⴰⵍ (ⵍⵉⵛⴻⵏⵛⴻ ⵏⴻⵖ ⵎⴰⵙⵜⴻⵔ) ⴰⴷ ⵙⴻⵔⵙⴻⵏ ⵢⵉⵔⵎⵉⵜⴻⵏ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⴷⴻⴳ ⵓⵙⵉⵍⴻⵖ ⴰⵡⴻⵣⵣⵍⴰⵏ ⵉ ⵓⵡⵡⵉ ⵏ ⵜⴻⴳⴻⵔⴷⴰⵙⵜ ⵏ ⵓⵎⵎⵉⵣⵉ ⴷⴻⴳ ⵓⵏⵏⴰⵔ ⵉ ⴷ-ⵉⵜⵜⵡⴰⵙⵓⵜⵔⴻⵏ.
ⴷⴰⵖⴻⵏ, ⵜⴻⵍⵍⴰ-ⴷ ⵜⴰⵔⵔⴰⵢⵜ ⵏ ⵓⵙⴰⵜⵉⴳ ⵏ ⵜⵣⴻⵎⵎⴰⵔ ⴷ ⵜⵎⵓⵖⵍⵉ ⵏ ⵓⵎⴰⵀⵉⵍ (ⵠⴰⴹ) ⵉ ⵡⵉⴷ ⵓⵔ ⵢⴻⵙⵄⴰⵏ ⴰⵔⴰ ⴰⵙⵡⵉⵔ ⵏ ⵓⵍⵎⵓⴹ ⵉ ⴷ-ⵉⵜⵜⵡⴰⵙⵓⵜⵔⴻⵏ ⵏⴻⵖ ⵡⵉⴷ ⵢⴻⵙⵄⴰⵏ ⵜⵉⴳⴻⵔⴷⴰⵙ ⵏ ⴱⴻⵕⵕⴰ. ⴰⵢⴰⴳⵉ ⵉⵟⵄⴻⴷⴷⴰⵢ ⵣⴷⴰⵜ ⵏ ⵜⴻⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵎⵎⵉⵣⵉ ⵏ ⵜⵉⴳⴻⵔⴷⴰⵙ ⴷⴻⴳ ⵓⵖⴻⵔⴱⴰⵣ ⵓⵏⵉⴳ ⵏ ⵜⵓⵙⵙⵏⵉⵡⵉⵏ ⵏ ⵡⴰⴷⴷⴰⵍ ⴷ ⵜⵉⵜⵉⴽⵏⵓⵍⵓⵊⵉⵢⵉⵏ-ⵉⵙ.
ⴰⵀⵉⵍⴻⵏ-ⴰⴳⵉ ⵏ ⵓⵙⵉⵍⴻⵖ ⵉ ⵓⵡⵡⵉ ⵏ ⵜⴻⴳⴻⵔⴷⴰⵙⵜ ⵏ ⵓⵡⴰⵏⴰⴽ "ⴰⵎⵔⴻⴱⴱⵉⵢ ⵏ ⵡⴰⴷⴷⴰⵍ" ⴰⴷ ⴱⴷⵓⵏ ⴰⵙⵙ ⵏ 12 ⵢⴻⴱⵔⵉⵔ 2026.
ⴰⵔⵏⵓ ⵖⴻⵔ
