ⵉⵡⴻⴽⴽⴻⴷ-ⴷ ⵎⴰⵙⵙ ⵎⵓⵃⴻⵎⵎⴻⴷ ⵜⴰⵊⴻⴷⴷⵉⵏ ⵟⵉⴱⵉ, ⴰⵎⵏⴰⴷⵉ ⴷⴻⴳ ⵜⵚⵓⴼⵉⵜ ⵜⴰⵣⵣⴰⵢⵔⵉⵜ, ⵜⵎⴻⴷⴷⵉⵜ ⵏ ⵡⴰⵙⵙ ⵏ ⵙⵙⴻⴱⵜ ⴷⴻⴳ ⵡⴻⵀⵔⴰⵏ, ⴷ ⴰⴽⴽⴻⵏ ⵣⵣⵡⴰⵢⴰ ⴷ ⵜⵉⴷ ⵉ ⴷ-ⵢⴻⴼⴽⴰⵏ ⴰⵟⴰⵙ ⵏ ⵍⴻⵇⴷⵉⵛ ⵉ ⵜⴻⵖⴱⴰⵍⵓⵜ ⵜⴰⴷⴰⵢⴰⵏⵜ ⴷⴻⴳ ⵍⴻⵣⵣⴰⵢⴻⵔ.
ⵢⴻⵙⵙⴻⴱⴳⴻⵏ-ⴷ ⵎⴰⵙⵙ ⵟⵉⴱⵉ ⴷⴻⴳ ⵜⴻⵎⵙⵉⵔ-ⵉⵙ ⵉⵡⵓⵎⵉ ⵢⴻⴼⴽⴰ ⵉⵙⴻⵎ "ⵜⵉⵡⵓⵔⵉⵡⵉⵏ ⵏ ⵣⵣⵡⴰⵢⴰ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⴰⴷⴻⵔ ⵖⴻⴼ ⵜⴻⵖⴱⴰⵍⵓⵜ ⵜⴰⴷⴰⵢⴰⵏⵜ" ⴷⴻⴳ ⵡⴰⵙⵙ ⵡⵉⵙ ⵜⵍⴰⵜⴰ ⵏ ⵍⴻⵇⴷⵉⵛⴰⵜ ⵏ ⵜⴻⵎⵍⵉⵍⵉⵜ ⵜⵉⵙ 18 ⵏ ⴷⴷⵓⵔⵓⵙ ⵍⵎⵓⵃⴰⵎⵎⴰⴷⵉⵢⴰ ⵏ ⵣⵣⴰⵡⵉⵢⴰ ⵜⴰⴱⴻⵍⵇⴰⵢⴷⵉⵜ ⵍⵀⴻⴱⵔⵉⵢⴰ, ⵉ ⴷ-ⵢⴻⵡⵡⵉⵏ ⴰⵙⴻⴳⴳⴰⵙ-ⴰ ⵖⴻⴼ ⵓⵙⴻⵏⵜⴻⵍ "ⵍⴻⵇⴷⵉⵛⴰⵜ ⵏ ⵢⵉⵎⵔⴰⴱⴹⴻⵏ ⵉⵙⵓⴼⵉⵢⴻⵏ ⴷⴻⴳ ⵓⵇⴷⴻⵛ ⵏ ⵍⴻⵇⵔⴰⵏ ⵍⵄⴰⵍⵉ ⴷ ⵜⵓⵙⵙⵏⵉⵡⵉⵏ ⵏ ⵛⵛⴰⵔⵉⵄⴰ ⵜⵉⵏⴻⵙⵍⴻⵎⵜ", ⴷ ⴰⴽⴽⴻⵏ "ⵜⴻⵍⵍⴰ ⵢⵉⵡⴻⵜ ⵏ ⵡⴰⵙⵙⴰⵖⵜ ⵉⵛⴻⴱⵃⴻⵏ ⴳⴰⵔ ⵣⵣⵡⴰⵢⴰ ⴷ ⵜⴻⵖⴱⴰⵍⵓⵜ ⵜⴰⴷⴰⵢⴰⵏⵜ ⵜⴰⵖⴻⵍⵏⴰⵡⵜ ⴷⴻⴳ ⵍⴻⵣⵣⴰⵢⴻⵔ, ⵉⵎⵉ ⵣⵣⵡⴰⵢⴰ ⴷ ⵢⵉⵎⴰⵙⵙⴰⵏⴻⵏ-ⵏⵙⴻⵏⵜ ⵍⵍⴰⵏ ⵙⴻⴳ ⵡⵉⴷ ⵉ ⴷ-ⵢⴻⴼⴽⴰⵏ ⴰⵟⴰⵙ ⵏ ⵍⴻⵇⴷⵉⵛ ⵉ ⵜⴻⵖⴱⴰⵍⵓⵜ ⵜⴰⴷⴰⵢⴰⵏⵜ ⴷⴻⴳ ⵜⵎⵓⵔⵜ-ⴰ".
ⵢⴻⴱⴷⴰ ⵓⵎⵙⴻⵍⵎⴰⴷ ⴰⵡⴰⵍ-ⵉⵙ ⵙ ⵓⵙⴻⴳⵣⵉ ⵏ ⵓⵏⴰⵎⴻⴽ ⵏ ⵜⴻⵖⴱⴰⵍⵓⵜ ⵜⴰⴷⴰⵢⴰⵏⵜ, ⵉ ⵖⴻⴼ ⴷ-ⵢⴻⵏⵏⴰ ⴷ ⴰⴽⴽⴻⵏ "ⴷ ⴰⵏⴰⴳⵔⴰⵡ ⵏ ⵜⵉⴽⵍⵉ ⵉ ⴷ-ⵉⵃⴻⴽⵎⴻⵏ ⴷⴻⴳ ⴷⴷⵉⵏ ⵏ ⵜⵎⴻⵜⵜⵉ, ⵢⴻⵔⵏⴰ ⵢⴻⵙⵙⴻⴱⴳⴻⵏ-ⴷ ⵉⵙⵡⵉⵢⴻⵏ-ⵉⵙ ⴷ ⵍⵙⴰⵙ-ⵉⵙ".
ⵢⴻⴱⴷⴻⵔ-ⴷ ⵎⴰⵙⵙ ⵟⵉⴱⵉ ⴷ ⴰⴽⴽⴻⵏ "ⴳⴰⵔ ⵍⵙⴰⵙ ⵏ ⵜⴻⵖⴱⴰⵍⵓⵜ ⵜⴰⴷⴰⵢⴰⵏⵜ ⴷⴻⴳ ⵍⴻⵣⵣⴰⵢⴻⵔ ⴷ ⴰⵎⴻⴷⵀⴻⴱ ⴰⵎⴰⵍⴽⵉ ⵉ ⴷ-ⵜⵜⴻⴽⴽⵉⵏ ⵢⴰⴽⴽ ⵉⵎⴻⵣⴷⴰⵖ ⵏ ⵜⵎⴰⵣⵖⴰ ⴰⴽⴽⴻⴷ ⵜⵄⴰⵇⵉⴷⵉⵜ ⵜⴰⵛⵄⴰⵔⵉⵜ", ⵢⴻⵙⵙⴻⴱⴳⴻⵏ-ⴷ ⴷ ⴰⴽⴽⴻⵏ "ⴰⵎⴻⴷⵀⴻⴱ ⴰⵎⴰⵍⴽⵉ ⵜⵃⵓⵣⵣⴰ-ⵜ ⵜⵡⴰⵖⵉⵜ ⴷⴻⴳ ⵜⴰⵍⵍⵉⵢⵉⵏ ⵢⴻⵣⵔⵉⵏ ⵉⵡⴰⴽⴽⴻⵏ ⴰⴷ ⵙⴱⴻⵄⴷⴻⵏ ⵉⵎⴻⵣⴷⴰⵖ ⵖⴻⴼ ⵡⴻⴹⴼⴰⵔ-ⵉⵙ, ⵍⴰⴷⵖⴰ ⴷⴻⴳ ⵍⵡⴻⵇⵜ ⵏ ⵓⵡⴰⵏⴰⴽ ⴰⴼⴰⵟⵉⵎⵉ ⴷ ⵓⵡⴰⵏⴰⴽ ⴰⵎⵓⵡⴻⵃⵃⵉⴷⵉ".
ⵙⴻⵍⴷ ⵎⵉ ⴷ-ⵢⴻⵡⵡⵉ ⴰⵡⴰⵍ ⵖⴻⴼ ⵜⵚⵓⴼⵉⵜ ⴷⴻⴳ ⵍⴻⵣⵣⴰⵢⴻⵔ, ⵢⴻⵙⵎⴻⴽⵜⴰ-ⴷ ⵓⵎⵙⴻⵍⵎⴰⴷ-ⴰ ⴽⵔⴰ ⵏ ⵣⵣⵡⴰⵢⴰ ⵉ ⵉⵇⴻⴷⴷⵛⴻⵏ ⵖⴻⴼ ⵜⴻⵖⴱⴰⵍⵓⵜ ⵜⴰⴷⴰⵢⴰⵏⵜ ⴷⴻⴳ ⵜⴰⵍⵍⵉⵢⵉⵏ ⵢⴻⵣⵔⵉⵏ, ⵍⴰⴷⵖⴰ ⵣⵣⴰⵡⵉⵢⴰ ⵏ ⵍⵉⵎⴰⵎ ⴱⵔⴰⵀⵉⵎ ⵜⵜⴰⵣⵉ ⴷⴻⴳ ⵡⴻⵀⵔⴰⵏ ⴷ ⵣⵣⴰⵡⵉⵢⴰ ⵏ ⵛⵛⵉⵅ ⵢⴻⵃⵢⴰ ⵍⵄⵉⴷⵍⵉ ⴷⴻⴳ ⴱⴳⴰⵢⴻⵜ.
ⵔⵏⵓ ⵖⴻⴼ ⵡⴰⵢⴰ, ⴼⴽⴰⵏ-ⴷ ⴷⴻⴳ ⵡⴰⵙⵙ ⵡⵉⵙ ⵜⵍⴰⵜⴰ ⵏ ⴷⴷⵓⵔⵓⵙ ⵍⵎⵓⵃⴰⵎⵎⴰⴷⵉⵢⴰ ⵙⵏⴰⵜ ⵏ ⵜⴻⵎⵙⵉⵔⵉⵏ ⵖⴻⴼ "ⵍⴻⵇⵔⴰⵏ ⵍⵄⴰⵍⵉ ⴷ ⵜⵓⵙⵙⵏⴰ ⵜⴰⵛⴻⴱⵃⴰⵏⵜ ⴷⴻⴳ ⵜⵎⴻⴷⴷⵓⵔⵜ ⵏ ⵛⵛⵉⵅ-ⵏⵏⴻⵖ ⵄⴻⴱⴷⴻⵍⵍⴰⵟⵉⴼ ⴱⴻⵍⵇⴰⵢⴻⴷ ⵔⴹⴰ ⵍⵍⴰⵀ ⵖⴻⴼ-ⵙ" ⵏ ⵎⴰⵙⵙ ⴼⵓⴹⵉⵍ ⵚⴰⴷⴰⵇⴰ ⵙⴻⴳ ⵍⴻⵣⵣⴰⵢⴻⵔ, ⴷ "ⵍⴻⵇⴷⵉⵛⴰⵜ ⵏ ⵉⵙⵓⴼⵉⵢⴻⵏ ⴷⴻⴳ ⵓⵃⵓⴷⴷⵓ ⵖⴻⴼ ⵜⵄⴰⵇⵉⴷⵉⵜ ⵜⴰⵙⵓⵏⵏⵉⵢⵉⵜ" ⵏ ⵎⴰⵙⵙ ⵄⴻⴱⴷⴻⵍⵇⴰⴷⴻⵔ ⵍⵃⵓⵙⵉⵏ ⵙⴻⴳ ⵜⵓⵔⴽⵉⵢⵢⴰ.
ⵀⴻⴳⴳⴰⵏ-ⴷ ⵢⵉⵎⵙⵓⴷⴷⵙⴻⵏ ⵉ ⵡⴰⵙⵙ ⵏ ⵍⵃⴻⴷ, ⵙⴻⵍⴷ ⵜⴰⵥⴰⵍⵍⵉⵜ ⵏ ⵍⵄⴰⵚⴻⵔ ⴷ ⵜⵜⵔⴰⵡⵉⵃ, ⵜⵉⵎⵙⵉⵔⵉⵏ ⵖⴻⴼ "ⵉⵍⵓⵇⵎⴰⵏ ⵏ ⵢⵉⵙⵓⴼⵉⵢⴻⵏ ⵙⴻⴳ ⵓⴷⵍⵉⵙ ⵏ ⵍⴰⵏⵡⴰⵔ ⵍⵇⵓⴷⵙⵉⵢⵢⴰ ⵏ ⵍⵉⵎⴰⵎ ⵙⵉⴷⵉ ⵄⴻⴱⴷⴻⵍⵡⴻⵀⵀⴰⴱ ⵛⵛⴻⵄⵔⴰⵏⵉ ⵔⴹⴰ ⵍⵍⴰⵀ ⵖⴻⴼ-ⵙ" ⵏ ⵎⴰⵙⵙ ⵉⵍⵢⴰⵙ ⵄⴻⵎⵔⵓⵛ ⵙⴻⴳ ⵍⴻⵣⵣⴰⵢⴻⵔ, ⴷ "ⵜⵜⵔⴻⴱⴳⴰ ⵜⴰⵙⵓⴼⵉⵢⵉⵜ ⵖⴻⵔ ⵢⵉⵎⴰⵡⵍⴰⵏ-ⵏⵏⴻⵖ ⴰⵜ ⵡⴻⵅⵅⴰⵎ ⵍⵄⴰⵍⵉ" ⵏ ⵎⴰⵙⵙ ⴰⵃⵎⴻⴷ ⵍⴱⴰⵚⵉⵍⵉ ⵙⴻⴳ ⵎⴰⵚⴻⵔ, ⴷ "ⵍⴻⵇⴷⵉⵛ ⵏ ⵉⵙⵓⴼⵉⵢⴻⵏ ⵖⴻⴼ ⵍⴼⴻⵇⵀ ⴰⵎⴰⵍⴽⵉ" ⵏ ⵎⴰⵙⵙ ⵎⵓⵙⴰ ⵙⵎⴰⵄⵉⵍ ⵙⴻⴳ ⵍⴻⵣⵣⴰⵢⴻⵔ.
ⴰⴷ ⵜⴽⴻⵎⵎⴻⵍ ⵜⴻⵎⵙⵉⵔⵜ ⵏ ⴷⴷⵓⵔⵓⵙ ⵍⵎⵓⵃⴰⵎⵎⴰⴷⵉⵢⴰ ⵉ ⴷ-ⵜⵀⴻⴳⴳⴰ ⵣⵣⴰⵡⵉⵢⴰ ⵜⴰⴱⴻⵍⵇⴰⵢⴷⵉⵜ ⵍⵀⴻⴱⵔⵉⵢⴰ ⵢⴰⵍ ⴰⵙⴻⴳⴳⴰⵙ ⴷⴻⴳ ⵡⴻⵅⵅⴰⵎ-ⵉⵙ ⵢⴻⵍⵍⴰⵏ ⴷⴻⴳ ⵙⵉⴷⵉ ⵎⴻⵄⵔⵓⴼ (ⵛⵛⴻⵔⵇ ⵏ ⵡⴻⵀⵔⴰⵏ) ⵙ ⵜⵜⴻⴽⴽⵉ ⵏ ⵜⴻⴳⵔⴰⵡⵜ ⵏ ⵢⵉⵎⴰⵙⵙⴰⵏⴻⵏ ⴷ ⵍⴼⵓⵇⴰⵀⴰ ⵙⴻⴳ ⵍⴻⵣⵣⴰⵢⴻⵔ ⴷ ⵡⴰⵎⴰⴹⴰⵍ ⵉⵏⴻⵙⵍⴻⵎ ⴰⵎ ⵎⴰⵚⴻⵔ, ⵍⵓⴱⵏⴰⵏ, ⵜⵓⵔⴽⵉⵢⵢⴰ, ⵍⵄⵉⵔⴰⵇ, ⵜⵓⵏⴻⵙ, ⵙⵓⵔⵢⴰ ⴷ ⵙⵙⵓⴷⵀⴰⵏ, ⴰⵏⴷⴰ ⴰⵔⴰ ⴷ-ⴼⴽⴻⵏ ⵜⵉⵎⵙⵉⵔⵉⵏ ⵉⵛⵓⴷⴷⴻⵏ ⵖⴻⴼ ⵓⵙⴻⵏⵜⴻⵍ ⴰⴳⴻⵊⴷⴰⵏ ⵏ ⵜⴻⵎⵍⵉⵍⵉⵜ ⴰⵔⴰ ⵉⴽⴻⵎⵎⵍⴻⵏ ⵍⴻⵇⴷⵉⵛ-ⵉⵙ ⴰⵍⴰⵎⵎⴰ ⴷ 7 ⴷⴻⴳ ⵎⴻⵖⵔⴻⵙ ⴷ-ⵉⵜⴻⴷⴷⵓⵏ.
ⴰⵔⵏⵓ ⵖⴻⵔ
