ⵀⵓⵍⴰⵏⴷⴰ - ⵍⴻⵣⵣⴰⵢⴻⵔ: "ⵉⵣⵉⵏⵣⴰⵡⴻⵏ" ⴷⴻⴳ ⵓⴽⴰⵢⴰⴷ ⵏ ⵜⵉⴷⴻⵜ ⵣⴷⴰⵜ ⵏ ⵜⴻⵔⴱⴰⵄⵜ ⵏ "ⵜⵡⴰⵃⵉⵏ"

ⵜⴻⵙⵙⴰⵔⴰⵎ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⴰⴷ ⵜⵓⵔⴰⵔ ⵜⵉⵎⵍⵉⵍⵉⵜ ⵏ ⵜⴷⵓⴽⵍⵉ ⵉⴶⴻⵀⴷⴻⵏ ⵣⴷⴰⵜ ⵏ ⵀⵓⵍⴰⵏⴷⴰ, ⴰⵣⴻⴽⴽⴰ ⵏ ⵍⴰⵔⴻⴱⴻⵄ ⴷⴻⴳ ⵓⵏⵏⴰⵔ "ⴷⴻ ⴽⵓⵉⵒ" ⴷⴻⴳ ⵜⴻⵎⴷⵉⵏⵜ ⵏ ⵔⵓⵜⵜⴻⵔⴷⴰⵎ (19:45 ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ). ⴰⵢⴰⴳⵉ ⴷ ⴰⴽⴰⵢⴰⴷ ⵏ ⵜⵉⴷⴻⵜ ⴽⵔⴰ ⵏ ⵡⵓⵙⵙⴰⵏ ⴽⴰⵏ ⵓⵇⴱⴻⵍ ⵜⴰⵣⵡⴰⵔⴰ ⵏ ⵜⴰⴳⴳⴰⵔⴰ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026, ⴰⵔⴰ ⴷ-ⵢⵉⵍⵉⵏ ⴷⴻⴳ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ, ⴽⴰⵏⴷⴰ ⴷ ⵎⵉⴽⵙⵉⴽ (ⵙⴻⴳ 11 ⵢⵓⵏⵢⵓ ⵖⴻⵔ 19 ⵢⵓⵍⵢⵓ).

ⵓⵇⴱⴻⵍ ⴰⴷ ⴷ-ⵓⵡⵢⴻⵏ ⴷⴷⵓⵕⵜ ⵏ ⵓⵎⴰⵀⵉⵍ ⴷⴻⴳ ⵜⴻⵎⵍⵉⵍⵉⵜ ⵜⴰⵎⴻⵇⵇⵔⴰⵏⵜ ⵏ ⵓⵎⴰⴹⴰⵍ, ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ ⴰⴷ ⵜⴻⴽⵛⴻⵎ ⴰⴽⴰⵢⴰⴷ-ⴰⴳⵉ ⵙ ⵓⵙⴰⵔⴰⵎ ⵉⵡⴰⴽⴽⴻⵏ ⴰⴷ ⵜⵣⴻⵔ ⴰⵙⵡⵉⵔ-ⵉⵙ ⵏ ⵜⵉⴷⴻⵜ ⵣⴷⴰⵜ ⵏ ⵢⵉⵡⴻⵜ ⵏ ⵜⴻⵔⴱⴰⵄⵜ ⵏⴼⵉⵜ ⵏ ⵜⵓⵔⵓⴼⵜ ⴷ ⵓⵎⴰⴹⴰⵍ, ⵉ ⵢⴻⵟⵟⴰⴼⴻⵏ ⴰⵎⴽⴰⵏ ⵡⵉⵙ ⵙⴰ (7) ⴷⴻⴳ ⵓⵕⴰⵜⵜⵉ ⵏ ⵜⴰⴳⴳⴰⵔⴰ ⵏ ⴼⵉⴼⴰ.

ⵉ ⵓⵀⴻⴳⴳⵉ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ-2026, "ⵉⵣⵉⵏⵣⴰⵡⴻⵏ" ⵅⴻⴷⵎⴻⵏ ⴰⵎⵣⴰⵔⴰⴳ ⵏ ⵓⵙⵉⵍⴻⵖ ⴷⴻⴳ ⵡⴰⵎⵎⴰⵙ ⴰⵜⵉⴽⵏⵉⴽ ⴰⵖⴻⵍⵏⴰⵡ ⵏ ⵙⵉⴷⵉ ⵎⵓⵙⴰ, ⵉ ⵢⴻⴷⴷⴻⵎⴻⵏ ⵉⵎⴰⵍⴰⵙ (ⴷⴷⵓⵕⵜ) ⵙ ⵍⴻⴽⵎⴰⵍ ⵓⵇⴱⴻⵍ ⴰⴷ ⵎⵎⴰⴳⵔⴻⵏ ⵜⴰⵔⴱⴰⵄⵜ ⵉⴶⴻⵀⴷⴻⵏ ⵏ "ⵜⵡⴰⵃⵉⵏ". ⴰⵢⴰⴳⵉ ⴰⴷ ⵢⴻⴶⴶ ⵜⴰⵙⴻⴷⴷⴰⵔⵜ ⵜⴰⵜⵉⴽⵏⵉⴽⵜ ⵙ ⵜⵎⵓⵖⵍⵉ ⵏ ⵠⵍⴰⴷⵉⵎⵉⵔ ⵒⴻⵜⴽⵓⵠⵉⵛ ⴰⴷ ⵉⵥⴻⵔ ⵍⵇⴻⴷⴷ ⵏ ⵓⵀⴻⴳ ⵏ ⵔⵔⵉⴼⴰⵇ ⵏ ⵓⵇⴻⵔⵔⵓ ⵔⵉⵢⴰⴷ ⵎⴰⵀⵔⴻⵣ ⵓⵇⴱⴻⵍ ⴰⵏⴻⴽⵛⵓⵎ ⵖⴻⵔ ⵜⴼⴰⵙⴽⴰ ⵏ ⵓⵎⴰⴹⴰⵍ.

ⵉⵜⵜⵡⴰⵕⴶⴰ ⴰⴷ ⵜⴻⴽⵛⴻⵎ ⵜⴻⵔⴱⴰⵄⵜ ⵙ ⵢⵉⵎⵓⵔⴰⵔ ⵉⵕⴻⵙⵙⴰⵏⴻⵏ, ⵙ ⵜⵓⴽⵛⵉ ⵏ ⵜⴰⴳⵏⵉⵜ ⵉ ⴽⵔⴰ ⵏ ⵢⵉⵎⵓⵔⴰⵔ ⵏ ⵜⵄⴻⵙⵙⴰⵙⵜ ⵉⵡⴰⴽⴽⴻⵏ ⴰⴷ ⵜⵜⵓⵣⵔⴻⵏ ⵢⵉⴳⴻⵎⵎⴰⴹ-ⵏⵙⴻⵏ ⴷⴻⴳ ⵓⴽⴰⵢⴰⴷ-ⴰⴳⵉ ⴰⵔⴰ ⴷ-ⵢⴻⵇⵇⵉⵎⴻⵏ ⴷ ⴰⵎⴰⵜⴰⵔ 

ⴰⵏⴰⵅⴰﺏ ⴰⵖⴻⵍⵏⴰⵡ, ⵠⵍⴰⴷⵉⵎⵉⵔ ⵒⴻⵜⴽⵓⵠⵉⵛ, ⵢⴻⵄⵍⴻⵏ-ⴷ ⵢⴰⴽⴰⵏ ⵖⴻⴼ ⵡⵓⵎⵓⵖ ⴰⵏⴻⴳⴳⴰⵔⵓ ⵏ 26 ⵏ ⵢⵉⵎⵓⵔⴰⵔ, ⴷⴻⴳ ⵜⴰⵍⵍⵉⵜ ⵏ ⵜⵏⴻⵖⵎⴰⵙⵜ ⵉ ⵢⴻⵅⴷⴻⵎ ⴰⵙⵙ ⵏ ⵍⵀⴻⴷ ⵉⵄⴻⴷⴷⴰⵏ ⴷⴻⴳ ⵡⴻⵅⵅⴰⵎ "ⵎⵓⵀⴰⵎⴻⴷ ⵚⴰⵍⴰⵃ" ⴷⴻⴳ ⵓⵏⵏⴰⵔ ⵏ ⵏⴻⵍⵙⵓⵏ ⵎⴰⵏⴷⴻⵍⴰ ⴷⴻⴳ ⴱⴰⵔⴰⴽⵉ. ⴷⴻⴳ ⵜⴰⵍⵍⵉⵜ-ⵏⵏⵉ, ⵢⴻⵏⵏⴰ-ⴷ ⴱⴻⵍⵍⵉ: "ⵜⵉⵎⵍⵉⵍⵉⵜ ⵣⴷⴰⵜ ⵏ ⵀⵓⵍⴰⵏⴷⴰ ⴰⴷ ⴰⵖ-ⵜⴻⴶⴶ ⴰⴷ ⵏⴻⵙⵙⴻⵏ ⵜⵉⵣⴻⵎⵎⴰⵔ ⵏ ⵢⵉⵎⵓⵔⴰⵔ-ⵏⵏⴻⵖ, ⵢⴻⵔⵏⴰ ⴰⴷ ⵜⵉⵍⵉ ⵉⵛⵓⴱⴰⵏ ⵙ ⵍⵇⴻⴷⴷ ⴰⵎⴻⵇⵇⵔⴰⵏ ⴷ ⵜⴻⵎⵍⵉⵍⵉⵜ-ⵏⵏⴻⵖ ⵜⴰⵎⴻⵏⵣⵡⵓⵜ ⴷⴻⴳ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ ⵣⴷⴰⵜ ⵏ ⴰⵔⴶⴰⵏⵜⵉⵏ".

ⵙⴻⴳ ⵜⴰⵎⴰ-ⵙ, ⵜⴰⵔⴱⴰⵄⵜ ⵏ ⵀⵓⵍⴰⵏⴷⴰ ⴰⴷ ⵜⴻⴽⵛⴻⵎ ⵜⵉⵎⵍⵉⵍⵉⵜ ⵙ ⵢⵉⵎⴰⵏ-ⵉⵙ ⵎⴻⵕⵕⴰ, ⵙⴻⵍⴷ 10 ⵏ ⵜⴻⵎⵍⵉⵍⵉⵢⵉⵏ ⵎⴻⴱⵍⴰ ⵎⴰ ⵜⴻⵅⵙⴻⵔ. ⵀⵓⵍⴰⵏⴷⴰ ⵉ ⵢⴻⵙⵙⴻⵍⵡⴰⵢ ⵔⵓⵏⴰⵍⴷ ⴽⵓⵓⵎⴰⵏ, ⵜⴻⵜⵜⵡⴰⵃⴻⵙⴱ ⴷ ⵢⵉⵡⴻⵜ ⵏ ⵜⴻⵔⴱⴰⵄⵜ ⵉ ⵉⵣⴻⵎⵔⴻⵏ ⴰⴷ ⵜⴰⵡⵡⴻⴹ ⵙ ⵍⵇⴻⴷⴷ ⴷⴻⴳ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ ⵉ ⴷ-ⵉⵜⵜⴻⴷⴷⵓⵏ. ⵀⵓⵍⴰⵏⴷⴰ ⵜⴻⵍⵍⴰ ⴷⴻⴳ ⵜⴻⴳⵔⵓⵎⵎⴰ ⵜⵉⵙ ⵙⴹⵉⵙ (F) ⵙ ⵜⴰⵎⴰ ⵏ ⵙⵙⵡⵉⴷ, ⵜⵓⵏⴻⵙ ⴷ ⵍⵍⵢⴰⵒⴰⵏ.

ⴰⴷ ⵢⴻⵙⵙⴻⵍⵡⴰⵢ ⵜⵉⵎⵍⵉⵍⵉⵜ-ⴰⴳⵉ ⵓⵔⴻⴱⴱⴰⵄ ⵏ ⵜⵏⴻⴼⵔⵓⵜ ⵙⴻⴳ ⵜⵓⵜⵔⵉⵛⵜ (Austria) ⵙ ⵜⵎⵓⵖⵍⵉ ⵏ ⵊⴰⴽⵓⴱ ⵙⴻⵎⵍⴻⵔ. ⵙⴻⵍⴷ ⵜⵉⵎⵍⵉⵍⵉⵜ ⵏ ⵔⵓⵜⵜⴻⵔⴷⴰⵎ, ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ ⴰⴷ ⵜⵕⵓⵃ ⵖⴻⵔ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⵉⵡⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴰⵀⴻⴳⴳⵉ-ⵙ, ⴰⵏⵉⴷⴰ ⴰⴷ ⵜⵓⵔⴰⵔ ⵜⵉⵎⵍⵉⵍⵉⵜ ⵏ ⵜⴷⵓⴽⵍⵉ ⵜⴰⵏⴻⴳⴳⴰⵔⵓⵜ ⴰⵙⵙ ⵏ ⵍⴰⵔⴻⴱⴻⵄ 10 ⵢⵓⵏⵢⵓ ⴷⴻⴳ ⵜⴻⵎⴷⵉⵏⵜ ⵏ ⴽⴰⵏⵙⴰⵙ ⵛⵉⵜⵢ ⵣⴷⴰⵜ ⵏ ⴱⵓⵍⵉⵠⵢⴰ.

ⵍⴻⵣⵣⴰⵢⴻⵔ ⴰⴷ ⵜⴱⴻⴷⴷⵓ ⴰⴱⵔⵉⴷ-ⵉⵙ ⴷⴻⴳ ⵍⵎⵓⵏⴷⵉⵢⴰⵍ ⴰⵙⵙ ⵏ 17 ⵢⵓⵏⵢⵓ ⴷⴻⴳ ⵓⵏⵏⴰⵔ ⵏ "ⴰⵔⵔⵓⵡⵀⴻⴰⴷ" ⴷⴻⴳ ⴽⴰⵏⵙⴰⵙ ⵛⵉⵜⵢ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵉⴶⴻⵀⴷⴻⵏ ⵣⴷⴰⵜ ⵏ ⴰⵔⴶⴰⵏⵜⵉⵏ (ⵜⴰⴱⵓⵖⴰⵍⵜ ⵏ ⵓⵎⴰⴹⴰⵍ), ⵙⴻⴳ ⵜⵙⴻⵜⵜⴰ ⵏ ⵢⵉⴹ (02:00) ⵙ ⵍⵡⴻⵇⵜ ⵏ ⵍⴻⵣⵣⴰاⴻⵔ. ⵙ ⵜⴰⵎⴰ ⵏ ⴰⵔⴶⴰⵏⵜⵉⵏ, "ⵉⵣⵉⵏⵣⴰⵡⴻⵏ" ⴰⴷ ⵎⵎⴰⴳⵔⴻⵏ ⵍⵓⵔⴷⵓⵏ ⴷⴻⴳ 23 ⵢⵓⵏⵢⵓ ⴷ ⵜⵓⵜⵔⵉⵛⵜ ⴷⴻⴳ 28 ⵢⵓⵏⵢⵓ ⴷⴻⴳ ⵓⵃⵔⵉⵛ ⴰⵎⴻⵏⵣⵡⵓⵔⵓ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026.